{"kind":"section","lang":"la","language":"Latin","title":"Institutiones pr.5","citation":"Cassian, Institutiones pr.5","ref":"pr.5","level":null,"urn":null,"url":"https://interlinea.aeterna-institute.org/library/latin/cassian-john/institutiones/pr.5","api":"https://interlinea.aeterna-institute.org/api/v1/library/latin/cassian-john/institutiones/pr.5","markdown":"https://interlinea.aeterna-institute.org/library/latin/cassian-john/institutiones/pr.5.md","author":{"name":"Cassian","url":"https://interlinea.aeterna-institute.org/library/latin/cassian-john"},"work":{"title":"Institutiones","url":"https://interlinea.aeterna-institute.org/library/latin/cassian-john/institutiones","urn":"urn:cts:latinLit:stoa0076c.stoa002"},"verse":false,"words":137,"text":"totum uamque in sola experientia usuque consistit, et quemadmodum tradi nisi ab experto non queunt, ita ne percipi quidem uel intellegi nisi ab eo, qui ea pari studio ac sudore adprehendere elaborauerit, possunt: quae tamen si conlatione iugi spiritalium uirorum frequenter discussa non fuerint et polita, cito rursum mentis incuria dilabuntur. tertio quia id ipsum, quod utcumque non pro merito rei, sed pro praesentis temporis statu possumus reminisci, inperitior sermo congrue non ualet explicare. huc accedit, quod super hac re uiri et uita nobiles et sermone scientiaque praeclari multa iam opuscula desudarunt, sanctum Basilium et Hieronymum dico aliosque nonnullos. quorum anterior sciscitantibus fratribus super diuersis institutis uel quaestionibus non solum facundo, uerum etiam diuinarum scripturarum testimoniis copioso sermone respondit, alius uero non solum suo elucubratos ingenio edidit libros, uerum etiam Graeca lingua digestos in Latinum uertit eloquium.","prev":{"citation":"Institutiones pr.4","label":"Book pr","url":"https://interlinea.aeterna-institute.org/library/latin/cassian-john/institutiones/pr.4","api":"https://interlinea.aeterna-institute.org/api/v1/library/latin/cassian-john/institutiones/pr.4"},"next":{"citation":"Institutiones pr.6","label":"Book pr","url":"https://interlinea.aeterna-institute.org/library/latin/cassian-john/institutiones/pr.6","api":"https://interlinea.aeterna-institute.org/api/v1/library/latin/cassian-john/institutiones/pr.6"},"credit":{"text":"Cassian, John, Institutiones, ed. Michael Petschenig. Text: Open Greek and Latin, CSEL (University of Leipzig), CC BY-SA 4.0. Changes: notes and apparatus removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/csel-dev/blob/master/data/stoa0076c/stoa002/stoa0076c.stoa002.opp-lat2.xml","quality":"ocr"}}