{"kind":"section","lang":"la","language":"Latin","title":"Carmina 44","citation":"Catullus, Carmina 44","ref":"44","level":null,"urn":"urn:cts:latinLit:phi0472.phi001.perseus-lat2:44","url":"https://interlinea.aeterna-institute.org/library/latin/catullus/carmina/44","api":"https://interlinea.aeterna-institute.org/api/v1/library/latin/catullus/carmina/44","markdown":"https://interlinea.aeterna-institute.org/library/latin/catullus/carmina/44.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":128,"text":"O funde noster seu Sabine seu Tiburs\n(nam te esse Tiburtem autumant quibus non est\ncordi Catullum laedere: at quibus cordi est\nquovis Sabinum pignore esse contendunt),\nsed seu Sabine sive verius Tiburs,\nfui libenter in tua suburbana\nvilla malamque pectore expuli tussim,\nnon immerenti quam mihi meus venter,\ndum sumptuosas adpeto, dedit, cenas.\nnam, Sestianus dum volo esse conviva,\norationem in Antium petitorem\nplenam veneni et pestilentiae legi.\nhic me gravido frigida et frequens tussis\nquassavit usque dum in tuum sinum fugi\net me recuravi otioque et urtica.\nquare refectus maximas tibi grates\nago, meum quod non es ulta peccatum.\nnec deprecor iam, si nefaria scripta\nSesti recepso, quin gravedinem et tussim\nnon mi, sed ipsi Sestio ferat frigus,\nqui tunc vocat me cum malum librum legi.","prev":{"citation":"Carmina 43","label":"Poem 43","url":"https://interlinea.aeterna-institute.org/library/latin/catullus/carmina/43","api":"https://interlinea.aeterna-institute.org/api/v1/library/latin/catullus/carmina/43"},"next":{"citation":"Carmina 45","label":"Poem 45","url":"https://interlinea.aeterna-institute.org/library/latin/catullus/carmina/45","api":"https://interlinea.aeterna-institute.org/api/v1/library/latin/catullus/carmina/45"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}