{"kind":"section","lang":"la","language":"Latin","title":"Carmina 46","citation":"Catullus, Carmina 46","ref":"46","level":null,"urn":"urn:cts:latinLit:phi0472.phi001.perseus-lat2:46","url":"https://interlinea.aeterna-institute.org/library/latin/catullus/carmina/46","api":"https://interlinea.aeterna-institute.org/api/v1/library/latin/catullus/carmina/46","markdown":"https://interlinea.aeterna-institute.org/library/latin/catullus/carmina/46.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":51,"text":"Iam ver egelidos refert tepores,\niam caeli furor aequinoctialis\niucundis Zephyri silescit auris.\nlinquantur Phrygii, Catulle, campi\nNicaeaeque ager uber aestuosae:\nad claras Asiae volemus urbes.\niam mens praetrepidans avet vagari,\niam laeti studio pedes vigescunt.\no dulces comitum valete coetus,\nlonge quos simul a domo profectos\ndiversae variae viae reportant.","prev":{"citation":"Carmina 45","label":"Poem 45","url":"https://interlinea.aeterna-institute.org/library/latin/catullus/carmina/45","api":"https://interlinea.aeterna-institute.org/api/v1/library/latin/catullus/carmina/45"},"next":{"citation":"Carmina 47","label":"Poem 47","url":"https://interlinea.aeterna-institute.org/library/latin/catullus/carmina/47","api":"https://interlinea.aeterna-institute.org/api/v1/library/latin/catullus/carmina/47"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}