{"kind":"section","lang":"la","language":"Latin","title":"Carmina 5","citation":"Catullus, Carmina 5","ref":"5","level":null,"urn":"urn:cts:latinLit:phi0472.phi001.perseus-lat2:5","url":"https://interlinea.aeterna-institute.org/library/latin/catullus/carmina/5","api":"https://interlinea.aeterna-institute.org/api/v1/library/latin/catullus/carmina/5","markdown":"https://interlinea.aeterna-institute.org/library/latin/catullus/carmina/5.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":66,"text":"Vivamus, mea Lesbia, atque amemus,\nrumoresque senum severiorum\nomnes unius aestimemus assis.\nsoles occidere et redire possunt:\nnobis, cum semel occidit brevis lux,\nnox est perpetua una dormienda.\nda mi basia mille, deinde centum,\ndein mille altera, dein secunda centum,\ndeinde usque altera mille, deinde centum,\ndein, cum milia multa fecerimus,\nconturbabimus illa, ne sciamus,\naut ne quis malus invidere possit,\ncum tantum sciat esse basiorum.","prev":{"citation":"Carmina 4","label":"Poem 4","url":"https://interlinea.aeterna-institute.org/library/latin/catullus/carmina/4","api":"https://interlinea.aeterna-institute.org/api/v1/library/latin/catullus/carmina/4"},"next":{"citation":"Carmina 6","label":"Poem 6","url":"https://interlinea.aeterna-institute.org/library/latin/catullus/carmina/6","api":"https://interlinea.aeterna-institute.org/api/v1/library/latin/catullus/carmina/6"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}