{"kind":"section","lang":"la","language":"Latin","title":"Carmina 6","citation":"Catullus, Carmina 6","ref":"6","level":null,"urn":"urn:cts:latinLit:phi0472.phi001.perseus-lat2:6","url":"https://interlinea.aeterna-institute.org/library/latin/catullus/carmina/6","api":"https://interlinea.aeterna-institute.org/api/v1/library/latin/catullus/carmina/6","markdown":"https://interlinea.aeterna-institute.org/library/latin/catullus/carmina/6.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":84,"text":"Flavi, delicias tuas Catullo,\nni sint inlepidae atque inelegantes,\nvelles dicere, nec tacere posses.\nverum nescio quid febriculosi\nscorti diligis: hoc pudet fateri.\nnam te non viduas iacere noctes\nnequiquam tacitum cubile clamat\nsertis ac Syrio fragrans olivo,\npulvinusque peraeque et hic et ille\nattritus, tremulique quassa lecti\nargutatio inambulatioque.\nnam nil stupra valet, nihil, tacere.\ncur? non tam latera ecfututa pandas,\nni tu quid facias ineptiarum.\nquare, quidquid habes boni malique,\ndic nobis: volo te ac tuos amores\nad caelum lepido vocare versu.","prev":{"citation":"Carmina 5","label":"Poem 5","url":"https://interlinea.aeterna-institute.org/library/latin/catullus/carmina/5","api":"https://interlinea.aeterna-institute.org/api/v1/library/latin/catullus/carmina/5"},"next":{"citation":"Carmina 7","label":"Poem 7","url":"https://interlinea.aeterna-institute.org/library/latin/catullus/carmina/7","api":"https://interlinea.aeterna-institute.org/api/v1/library/latin/catullus/carmina/7"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}