{"kind":"section","lang":"la","language":"Latin","title":"Carmina 72","citation":"Catullus, Carmina 72","ref":"72","level":null,"urn":"urn:cts:latinLit:phi0472.phi001.perseus-lat2:72","url":"https://interlinea.aeterna-institute.org/library/latin/catullus/carmina/72","api":"https://interlinea.aeterna-institute.org/api/v1/library/latin/catullus/carmina/72","markdown":"https://interlinea.aeterna-institute.org/library/latin/catullus/carmina/72.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":57,"text":"Dicebas quondam solum te nosse Catullum,\nLesbia, nec prae me velle tenere Iovem.\ndilexi tum te non tantum ut vulgus amicam,\nsed pater ut gnatos diligit et generos.\nnunc te cognovi: quare etsi impensius uror,\nmulto mi tamen es vilior et levior.\nqui potis est? inquis. quod amantem iniuria talis\ncogit amare magis, sed bene velle minus.","prev":{"citation":"Carmina 71","label":"Poem 71","url":"https://interlinea.aeterna-institute.org/library/latin/catullus/carmina/71","api":"https://interlinea.aeterna-institute.org/api/v1/library/latin/catullus/carmina/71"},"next":{"citation":"Carmina 73","label":"Poem 73","url":"https://interlinea.aeterna-institute.org/library/latin/catullus/carmina/73","api":"https://interlinea.aeterna-institute.org/api/v1/library/latin/catullus/carmina/73"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}