{"kind":"section","lang":"la","language":"Latin","title":"Carmina 83","citation":"Catullus, Carmina 83","ref":"83","level":null,"urn":"urn:cts:latinLit:phi0472.phi001.perseus-lat2:83","url":"https://interlinea.aeterna-institute.org/library/latin/catullus/carmina/83","api":"https://interlinea.aeterna-institute.org/api/v1/library/latin/catullus/carmina/83","markdown":"https://interlinea.aeterna-institute.org/library/latin/catullus/carmina/83.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":43,"text":"Lesbia mi praesente viro mala plurima dicit:\nhaec illi fatuo maxima laetitia est.\nmule, nihil sentis. si nostri oblita taceret,\nsana esset: nunc quod gannit et obloquitur,\nnon solum meminit, sed, quae multo acrior est res,\nirata est: hoc est, uritur et loquitur.","prev":{"citation":"Carmina 82","label":"Poem 82","url":"https://interlinea.aeterna-institute.org/library/latin/catullus/carmina/82","api":"https://interlinea.aeterna-institute.org/api/v1/library/latin/catullus/carmina/82"},"next":{"citation":"Carmina 84","label":"Poem 84","url":"https://interlinea.aeterna-institute.org/library/latin/catullus/carmina/84","api":"https://interlinea.aeterna-institute.org/api/v1/library/latin/catullus/carmina/84"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}