{"kind":"section","lang":"la","language":"Latin","title":"Carmina 91","citation":"Catullus, Carmina 91","ref":"91","level":null,"urn":"urn:cts:latinLit:phi0472.phi001.perseus-lat2:91","url":"https://interlinea.aeterna-institute.org/library/latin/catullus/carmina/91","api":"https://interlinea.aeterna-institute.org/api/v1/library/latin/catullus/carmina/91","markdown":"https://interlinea.aeterna-institute.org/library/latin/catullus/carmina/91.md","author":{"name":"Catullus","url":"https://interlinea.aeterna-institute.org/library/latin/catullus"},"work":{"title":"Carmina","url":"https://interlinea.aeterna-institute.org/library/latin/catullus/carmina","urn":"urn:cts:latinLit:phi0472.phi001"},"verse":true,"words":72,"text":"Non ideo, Gelli, sperabam te mihi fidum\nin misero hoc nostro, hoc perdito amore fore\nquod te cognossem bene constantemve putarem\naut posse a turpi mentem inhibere probro,\nsed neque quod matrem nec germanam esse videbam\nhanc tibi cuius me magnus edebat amor;\net quamvis tecum multo coniungerer usu,\nnon satis id causae credideram esse tibi.\ntu satis id duxti: tantum tibi gaudium in omni\nculpa est in quacumque est aliquid sceleris.","prev":{"citation":"Carmina 90","label":"Poem 90","url":"https://interlinea.aeterna-institute.org/library/latin/catullus/carmina/90","api":"https://interlinea.aeterna-institute.org/api/v1/library/latin/catullus/carmina/90"},"next":{"citation":"Carmina 92","label":"Poem 92","url":"https://interlinea.aeterna-institute.org/library/latin/catullus/carmina/92","api":"https://interlinea.aeterna-institute.org/api/v1/library/latin/catullus/carmina/92"},"credit":{"text":"Catullus, Carmina, ed. Elmer Truesdell Merrill. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0472/phi001/phi0472.phi001.perseus-lat2.xml","quality":"proofread"}}