{"kind":"section","lang":"la","language":"Latin","title":"Brutus 175","citation":"Cicero, Brutus 175","ref":"175","level":null,"urn":"urn:cts:latinLit:phi0474.phi039.perseus-lat2:175","url":"https://interlinea.aeterna-institute.org/library/latin/cicero/brutus/175","api":"https://interlinea.aeterna-institute.org/api/v1/library/latin/cicero/brutus/175","markdown":"https://interlinea.aeterna-institute.org/library/latin/cicero/brutus/175.md","author":{"name":"Cicero","url":"https://interlinea.aeterna-institute.org/library/latin/cicero"},"work":{"title":"Brutus","url":"https://interlinea.aeterna-institute.org/library/latin/cicero/brutus","urn":"urn:cts:latinLit:phi0474.phi039"},"verse":false,"words":92,"text":"multum etiam in causis versabatur isdem fere temporibus D. Brutus, is qui consul cum Mamerco fuit, homo et Graecis doctus litteris et Latinis. Dicebat etiam L. Scipio non imperite Gnaeusque Pompeius Sex. F. aliquem numerum obtinebat. Nam Sex. frater eius praestantissimum ingenium contulerat ad summam iuris civilis et ad perfectam geometriae et rerum Stoicarum scientiam. †Item in iure et ante hos M. Brutus et paulo post eum C. Billienus homo per se magnus prope simili ratione summus evaserat; qui consul factus esset, nisi in Marianos consulatus et in eas petitionis angustias incidisset.","prev":{"citation":"Brutus 174","label":"174","url":"https://interlinea.aeterna-institute.org/library/latin/cicero/brutus/174","api":"https://interlinea.aeterna-institute.org/api/v1/library/latin/cicero/brutus/174"},"next":{"citation":"Brutus 176-177","label":"176 to 177","url":"https://interlinea.aeterna-institute.org/library/latin/cicero/brutus/176","api":"https://interlinea.aeterna-institute.org/api/v1/library/latin/cicero/brutus/176"},"credit":{"text":"Cicero, Brutus, ed. Augustus Samuel Wilkins. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0474/phi039/phi0474.phi039.perseus-lat2.xml","quality":"proofread"}}