{"kind":"section","lang":"la","language":"Latin","title":"Orator 116","citation":"Cicero, Orator 116","ref":"116","level":null,"urn":"urn:cts:latinLit:phi0474.phi040.perseus-lat2:116","url":"https://interlinea.aeterna-institute.org/library/latin/cicero/orator/116","api":"https://interlinea.aeterna-institute.org/api/v1/library/latin/cicero/orator/116","markdown":"https://interlinea.aeterna-institute.org/library/latin/cicero/orator/116.md","author":{"name":"Cicero","url":"https://interlinea.aeterna-institute.org/library/latin/cicero"},"work":{"title":"Orator","url":"https://interlinea.aeterna-institute.org/library/latin/cicero/orator","urn":"urn:cts:latinLit:phi0474.phi040"},"verse":false,"words":90,"text":"et quoniam in omnibus quae ratione docentur et via primum constituendum est quid quidque sit—nisi enim inter eos qui disceptant convenit quid sit illud quod ambigitur, nec recte disseri umquam nec ad exitum perveniri potest—, explicanda est saepe verbis mens nostra de quaque re atque involuta rei notitia definiendo aperienda est, si quidem est definitio oratio, quae quid sit id de quo agitur ostendit quam brevissime; tum, ut scis, explicato genere cuiusque rei videndum est quae sint eius generis sive formae sive partes, ut in eas tribuatur omnis oratio.","prev":{"citation":"Orator 115","label":"115","url":"https://interlinea.aeterna-institute.org/library/latin/cicero/orator/115","api":"https://interlinea.aeterna-institute.org/api/v1/library/latin/cicero/orator/115"},"next":{"citation":"Orator 117","label":"117","url":"https://interlinea.aeterna-institute.org/library/latin/cicero/orator/117","api":"https://interlinea.aeterna-institute.org/api/v1/library/latin/cicero/orator/117"},"credit":{"text":"Cicero, Orator, ed. Augustus Samuel Wilkins. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/PerseusDL/canonical-latinLit/blob/master/data/phi0474/phi040/phi0474.phi040.perseus-lat2.xml","quality":"proofread"}}