{"kind":"section","lang":"la","language":"Latin","title":"Carmina 2.185","citation":"Columbanus, Carmina 2.185","ref":"2.185","level":null,"urn":null,"url":"https://interlinea.aeterna-institute.org/library/latin/columbanus/carmina/2.185","api":"https://interlinea.aeterna-institute.org/api/v1/library/latin/columbanus/carmina/2.185","markdown":"https://interlinea.aeterna-institute.org/library/latin/columbanus/carmina/2.185.md","author":{"name":"Columbanus","url":"https://interlinea.aeterna-institute.org/library/latin/columbanus"},"work":{"title":"Carmina","url":"https://interlinea.aeterna-institute.org/library/latin/columbanus/carmina","urn":null},"verse":false,"words":100,"text":"Ne citus in lingua fueris, nec segnis in actu. Non erit innocuus falsus per famina testis. Divitias addit Domini benedictio plures. Jam magnum reddas modico tu munus amico. Semper amicus amat: amor est pretiosior auro. 190 Dives erit, dure semper qui operatur in agro. Otia qui sequitur, veniet huic semper egestas. Omnibus est opibus melior vir mente fidelis. Exsuperat numerus justorum regna polentam. Ecce timens Dominum vivet felicibus annis. 195 Exspectat laetus coelestia gaudia justus. Impius horrendas spectat pro crimine poenas. Corruit in praeceps, populus rectore nefando. Praeparat aeternam mitis clementia vitam. Qui bona sectatur, prima bene surgit in hora.","prev":{"citation":"Carmina 2.170","label":"Ii Monosticha","url":"https://interlinea.aeterna-institute.org/library/latin/columbanus/carmina/2.170","api":"https://interlinea.aeterna-institute.org/api/v1/library/latin/columbanus/carmina/2.170"},"next":{"citation":"Carmina 2.200","label":"Ii Monosticha","url":"https://interlinea.aeterna-institute.org/library/latin/columbanus/carmina/2.200","api":"https://interlinea.aeterna-institute.org/api/v1/library/latin/columbanus/carmina/2.200"},"credit":{"text":"Columbanus, Carmina, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1348/tmp1348/tmp1348.tmp1348.opp-lat1.xml","quality":"ocr"}}