{"kind":"section","lang":"la","language":"Latin","title":"Instructiones 1.11","citation":"Commodianus, Instructiones 1.11","ref":"1.11","level":null,"urn":null,"url":"https://interlinea.aeterna-institute.org/library/latin/commodianus/instructiones/1.11","api":"https://interlinea.aeterna-institute.org/api/v1/library/latin/commodianus/instructiones/1.11","markdown":"https://interlinea.aeterna-institute.org/library/latin/commodianus/instructiones/1.11.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":139,"text":"Apollinem facitis citharoedum atque diuinum.\nPrimum de moechia natus in insula Delo,\nOblata mercede postmodum structura<s> secutus\nLaomedonti regi Troianorum muros eduxit\nLocauitque sese, quem deum seducti putatis;\nOssibus cuius amor Cassandrae flagrauit,\nSubdole quem lusit uirgo, falliturque diuinus\nOfficio uerbenis <is> potuit scire bicorde<m>,\nRepudiatus enim discessit inde diuinus.\nTerruit hunc uirgo specie, quam ille deberet.\nIlla prior utique debuerat deum amasse.\nLasciuientemque Daphnem sic coepit amare.\nEt tamen insequitur, dum uult uiolare puellam:\nGratis amat stultus, nec potuit consequi cursum.\nVel, si deus erat, occurreret illi per auras:\nSub tectis illa prior uenit remansitque diuinus.\nFallit uos genus hominum, nam improbi isti fuerunt.\nA primitia quoque pecora pauisse refertur.\nLusibus in positis dum mitteret discum in altum,\nSublapsum non potuit retinere prostrauit amicum:\nVltimus ille dies fuit Hyacinthi sodalis.\nSi diuinus erat, mortem praecessisset amici.","prev":{"citation":"Instructiones 1.10","label":"Poem 1.10","url":"https://interlinea.aeterna-institute.org/library/latin/commodianus/instructiones/1.10","api":"https://interlinea.aeterna-institute.org/api/v1/library/latin/commodianus/instructiones/1.10"},"next":{"citation":"Instructiones 1.12","label":"Poem 1.12","url":"https://interlinea.aeterna-institute.org/library/latin/commodianus/instructiones/1.12","api":"https://interlinea.aeterna-institute.org/api/v1/library/latin/commodianus/instructiones/1.12"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}