{"kind":"section","lang":"la","language":"Latin","title":"Instructiones 1.12","citation":"Commodianus, Instructiones 1.12","ref":"1.12","level":null,"urn":null,"url":"https://interlinea.aeterna-institute.org/library/latin/commodianus/instructiones/1.12","api":"https://interlinea.aeterna-institute.org/api/v1/library/latin/commodianus/instructiones/1.12","markdown":"https://interlinea.aeterna-institute.org/library/latin/commodianus/instructiones/1.12.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":106,"text":"Liberum patrem certe bis genitum dicitis ipsi.\nIn India natus ex Ioue Proserpina primum\nBelligerans contra Titanas profuso cruore\nExpirauit enim sicut ex mortalibus unus.\nRursus flato suo redditus in altero uentre.\nPercipit hoc Semele iterum Iouis altera moecha,\nAbsciso cuius utero prope partu defunctae\nTollitur et datur Niso nutriendus alumnus.\nEx eo bis natus Dionisius ille uocatur,\nReligio cuius in uacuo falsa curatur.\nBacchantur et illi, qualis nunc ipsi uidentur,\nAut pediculones mineruae omnisque scitoris.\nConspirant in malo, proludunt fincto furore,\nCeteros ut fallant dicturos numen adesse.\nHuic manifeste rudes homines suille uiuentes\nVino permutati, primo quod expresserat ille,\nSub ludicro suo honorem illi dedere.","prev":{"citation":"Instructiones 1.11","label":"Poem 1.11","url":"https://interlinea.aeterna-institute.org/library/latin/commodianus/instructiones/1.11","api":"https://interlinea.aeterna-institute.org/api/v1/library/latin/commodianus/instructiones/1.11"},"next":{"citation":"Instructiones 1.13","label":"Poem 1.13","url":"https://interlinea.aeterna-institute.org/library/latin/commodianus/instructiones/1.13","api":"https://interlinea.aeterna-institute.org/api/v1/library/latin/commodianus/instructiones/1.13"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}