{"kind":"section","lang":"la","language":"Latin","title":"Instructiones 1.16","citation":"Commodianus, Instructiones 1.16","ref":"1.16","level":null,"urn":null,"url":"https://interlinea.aeterna-institute.org/library/latin/commodianus/instructiones/1.16","api":"https://interlinea.aeterna-institute.org/api/v1/library/latin/commodianus/instructiones/1.16","markdown":"https://interlinea.aeterna-institute.org/library/latin/commodianus/instructiones/1.16.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":95,"text":"Dicitis esse deos, qui sunt manifeste cruenti,\nEt dicitis fata genesis adscribere nobis?\nDicite nunc ergo, quibus primum sacra ferantur:\nInter utrumque uias mors inmatura uagatur.\nSi tribuunt fata genesis, cur deum oratis?\nDeciperis, uane, qui Manes quaeris orare,\nEt qui fabricantur dominos tibi nuncupas esse.\nAut feminas quoque nescio quas deas oratis,\nBellonam et Nemesim, deas Furinam, Caelestem,\nVirginis, et Venerem, cui coniuges uestrae delumbant.\nSunt alia praeterea daemonia <procul a> fanis,\nQuae nec numerantur adhuc et in collo feruntur,\nVt nec ipsi sibi possint rationem reddere pestis.\nExportari magis in ultima terra deberent.","prev":{"citation":"Instructiones 1.15","label":"Poem 1.15","url":"https://interlinea.aeterna-institute.org/library/latin/commodianus/instructiones/1.15","api":"https://interlinea.aeterna-institute.org/api/v1/library/latin/commodianus/instructiones/1.15"},"next":{"citation":"Instructiones 1.17","label":"Poem 1.17","url":"https://interlinea.aeterna-institute.org/library/latin/commodianus/instructiones/1.17","api":"https://interlinea.aeterna-institute.org/api/v1/library/latin/commodianus/instructiones/1.17"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}