{"kind":"section","lang":"la","language":"Latin","title":"Instructiones 1.18","citation":"Commodianus, Instructiones 1.18","ref":"1.18","level":null,"urn":null,"url":"https://interlinea.aeterna-institute.org/library/latin/commodianus/instructiones/1.18","api":"https://interlinea.aeterna-institute.org/api/v1/library/latin/commodianus/instructiones/1.18","markdown":"https://interlinea.aeterna-institute.org/library/latin/commodianus/instructiones/1.18.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":140,"text":"Diximus iam multa de superstitione nefanda,\nEt tamen exsequimur, ne quod praeterisse dicamur.\nAmmudatem qui suum cultores more colebant,\nMagnus erat illis, quando fuit aurum in aedem.\nMittebant capita sub numine quasi praesenti.\nVentum est ad summum, ut Caesar tolleret aurum:\nDeficit numen aut fugit aut transit in ignem.\nAuctor huius sceleris constat, qui formabat eundem.\nTot uiros et magnos seduxit false prophetans,\nEt modo retacuit qui solebat esse diuinus.\nErumpebat enim uocis quasi mente mutata,\nTamquam illi deus ligni loqueretur in aurem.\nDicite nunc ipsi, si non sunt numina falsa.\nEx eo prodigio, quod perdidit, ille propheta\nOblitus est iste prophetare, qui ante solebat.\nMonstra deo ista fincta sunt per uiniuoraces,\nAudacia quorum damnabilis numina fingit.\nGestabantur enim, et aliut tale sigillum:\nNunc et ipse silet, nec ullus de illo prophetat.\nO nimium <stulti>, sed uos ipsos perdere uultis.","prev":{"citation":"Instructiones 1.17","label":"Poem 1.17","url":"https://interlinea.aeterna-institute.org/library/latin/commodianus/instructiones/1.17","api":"https://interlinea.aeterna-institute.org/api/v1/library/latin/commodianus/instructiones/1.17"},"next":{"citation":"Instructiones 1.19","label":"Poem 1.19","url":"https://interlinea.aeterna-institute.org/library/latin/commodianus/instructiones/1.19","api":"https://interlinea.aeterna-institute.org/api/v1/library/latin/commodianus/instructiones/1.19"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}