{"kind":"section","lang":"la","language":"Latin","title":"Instructiones 1.25","citation":"Commodianus, Instructiones 1.25","ref":"1.25","level":null,"urn":null,"url":"https://interlinea.aeterna-institute.org/library/latin/commodianus/instructiones/1.25","api":"https://interlinea.aeterna-institute.org/api/v1/library/latin/commodianus/instructiones/1.25","markdown":"https://interlinea.aeterna-institute.org/library/latin/commodianus/instructiones/1.25.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":147,"text":"Quamdiu, stulte homo, Christum cognoscere non uis?\nVitas agrum pinguem et stereli semina iactas.\nIn silua manere quaeris, ubi latro moratur.\nTu dicis \"Et ego Dei sum\" et foras oberras.\nIngredere iam nunc totiens inuitatus in aula:\nMatura iam messis, tempus totidemque paratum,\nEcce modo mete, quodsi non te paenitet inde.\nNunc, si non habes, collige; uindemia uenit;\nTempus adest uitae credenti tempore mortis.\nEst Dei lex prima fundamentum posterae legis,\nTeque designabat, crederes in lege secunda;\nNec minus et ipsos et ex ipsa sibi prudentes\nObstupe iam factus ora tu credere Christo,\nNam testamentum uetus de isto proclamat.\nCredere nun<c> opus est, tantum in isto defunctum\nResurgere posse <et> uiuere tempore toto.\nErgo si quis ea discredis esse futura\nDummodo uincetur reus in morte secunda,\nEuentura canam paucis in isto libello\nNam cognosci potest, ubi sit spes uitae ponenda.\nTamen uos adhortor quantocius credere Christo.","prev":{"citation":"Instructiones 1.24","label":"Poem 1.24","url":"https://interlinea.aeterna-institute.org/library/latin/commodianus/instructiones/1.24","api":"https://interlinea.aeterna-institute.org/api/v1/library/latin/commodianus/instructiones/1.24"},"next":{"citation":"Instructiones 1.26","label":"Poem 1.26","url":"https://interlinea.aeterna-institute.org/library/latin/commodianus/instructiones/1.26","api":"https://interlinea.aeterna-institute.org/api/v1/library/latin/commodianus/instructiones/1.26"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}