{"kind":"section","lang":"la","language":"Latin","title":"Instructiones 1.27","citation":"Commodianus, Instructiones 1.27","ref":"1.27","level":null,"urn":null,"url":"https://interlinea.aeterna-institute.org/library/latin/commodianus/instructiones/1.27","api":"https://interlinea.aeterna-institute.org/api/v1/library/latin/commodianus/instructiones/1.27","markdown":"https://interlinea.aeterna-institute.org/library/latin/commodianus/instructiones/1.27.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":152,"text":"Stulte, non permoreris nec mortuus effugis actus,\nTu licet disponas nihil te sentire defuncto.\nVinceris, insipiens: uiuit Deus conditor orbis,\nLegitima cuius clamat ualere defuncto.\nTu autem dum praeceps sine Deo uiuere quaeris,\nExtinctum in fatis iudicas aut fatale credis.\nNon ita disposuit, ut tu putas, Deus aeternus,\nObliuitos esse mortuos de gesto priore.\nNunc nobis imperita fecit receptacula mortis,\nPost cineres autem nostros uidebimus illa.\nErue te, stulte, qui putas, post funera non sis.\nRectorem dominumque tuum nihil posse fecisti.\nMors autem in uacuum non est, si corde retractes.\nOptandum noscas, nam sero senties illum.\nRector eras carnis, non te certe caro regebat;\nExemptus ab illa reconditur illa tuorum.\nRecte mortalis homo separatur a carne.\nIdcirco nec poterint oculi mortales aequare,\nSic habet abyssus noster de Dei secreta.\nDa nunc ergo Deo, fragilis dum moreris, honorem,\nEt crede, quod Christus uiuum te de mortuo reddit.\nOmnipotenti laudes in ecclesia reddere debes.","prev":{"citation":"Instructiones 1.26","label":"Poem 1.26","url":"https://interlinea.aeterna-institute.org/library/latin/commodianus/instructiones/1.26","api":"https://interlinea.aeterna-institute.org/api/v1/library/latin/commodianus/instructiones/1.26"},"next":{"citation":"Instructiones 1.28","label":"Poem 1.28","url":"https://interlinea.aeterna-institute.org/library/latin/commodianus/instructiones/1.28","api":"https://interlinea.aeterna-institute.org/api/v1/library/latin/commodianus/instructiones/1.28"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}