{"kind":"section","lang":"la","language":"Latin","title":"Instructiones 1.28","citation":"Commodianus, Instructiones 1.28","ref":"1.28","level":null,"urn":null,"url":"https://interlinea.aeterna-institute.org/library/latin/commodianus/instructiones/1.28","api":"https://interlinea.aeterna-institute.org/api/v1/library/latin/commodianus/instructiones/1.28","markdown":"https://interlinea.aeterna-institute.org/library/latin/commodianus/instructiones/1.28.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":101,"text":"Iustitia et bonitas, pax et patientia uera\nViuere post fata faciunt et quaeri de actu:\nSubdola mens autem, <in>noxia, perfida, praua\nTollit se in parte et fera mente moratur.\nImpie, nunc audi, qui <uis> malefacta lucrari:\nRespice terrenos iudices, in corpore qui nunc\nExcruciant poenis diros: aut ferro parantur\nSupplicia meritis aut longo carcere flere.\nVltime tu speras Deum inridere caelestem\nRectoremque poli, per quem sunt omnia facta?\nGrassaris, insanis, detractas nunc et Dei nomen?\nVnde non effugies, poenam post fata qui ponet.\nNunc uolo sis cautus, ne uenias ignis in aestu.\nTrade te iam Christo, ut te benefacta sequantur.","prev":{"citation":"Instructiones 1.27","label":"Poem 1.27","url":"https://interlinea.aeterna-institute.org/library/latin/commodianus/instructiones/1.27","api":"https://interlinea.aeterna-institute.org/api/v1/library/latin/commodianus/instructiones/1.27"},"next":{"citation":"Instructiones 1.29","label":"Poem 1.29","url":"https://interlinea.aeterna-institute.org/library/latin/commodianus/instructiones/1.29","api":"https://interlinea.aeterna-institute.org/api/v1/library/latin/commodianus/instructiones/1.29"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}