{"kind":"section","lang":"la","language":"Latin","title":"Instructiones 1.29","citation":"Commodianus, Instructiones 1.29","ref":"1.29","level":null,"urn":null,"url":"https://interlinea.aeterna-institute.org/library/latin/commodianus/instructiones/1.29","api":"https://interlinea.aeterna-institute.org/api/v1/library/latin/commodianus/instructiones/1.29","markdown":"https://interlinea.aeterna-institute.org/library/latin/commodianus/instructiones/1.29.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":137,"text":"Differ<r>is, diues, nimium tua cuncta uidendo,\nInsatiabiliter quibus adhuc adicere quaeris.\nViuere post ista, dicis, non spero defunctus.\nIngrate summo Deo, qui sic Deum iudicas esse,\nTe qui nesciente protulit, deinde nutriuit;\nIpse prata tua, gubernat uineas ipse,\nIpse greges pecorum et quicquid possides ipse,\nNec istis adtendistis. Aut tu regis omnia forte?\nCaelum hoc et terram et maria salsa qui fecit,\nReddere decreuit nos ipsos in aureo saeclo\nEt modo si credis, uiuitur in Dei secreta.\nDisce Deum, stulte, qui uult te inmortalem adesse\nVt gratias illi referas in agone perennis.\nLex docet ipsius, sed quia uagari tu quaeris,\nOmnia discredis et inde in tartara ibis:\nMox animam reddis, duceris quo te paenitet esse.\nAt luitur ibi poena spiritalis aeterna;\nLugia sunt semper, nec permoreris in illa\nOmnipotentem Deum iam tunc ibi sero proclamans.","prev":{"citation":"Instructiones 1.28","label":"Poem 1.28","url":"https://interlinea.aeterna-institute.org/library/latin/commodianus/instructiones/1.28","api":"https://interlinea.aeterna-institute.org/api/v1/library/latin/commodianus/instructiones/1.28"},"next":{"citation":"Instructiones 1.30","label":"Poem 1.30","url":"https://interlinea.aeterna-institute.org/library/latin/commodianus/instructiones/1.30","api":"https://interlinea.aeterna-institute.org/api/v1/library/latin/commodianus/instructiones/1.30"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}