{"kind":"section","lang":"la","language":"Latin","title":"Instructiones 1.34","citation":"Commodianus, Instructiones 1.34","ref":"1.34","level":null,"urn":null,"url":"https://interlinea.aeterna-institute.org/library/latin/commodianus/instructiones/1.34","api":"https://interlinea.aeterna-institute.org/api/v1/library/latin/commodianus/instructiones/1.34","markdown":"https://interlinea.aeterna-institute.org/library/latin/commodianus/instructiones/1.34.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":147,"text":"Indomita ceruia respuit iugum ferre labori,\nTunc iuuat in campis crassis satiare cauliclis.\nEt tamen inuita domatur utilis aeque\nMinuiturque ferox esse perinde domata;\nGens, homo, tu frater, noli pecus esse ferinum,\nErue te tandem et tecum ipse retracta:\nNon utique pecus nec besteis, sed homo natus,\nTu te ipse doma sapiens et intra sub antra.\nIdola qui sequeris, nihil nisi uanitas aeui.\nLeuia uos corda perducunt poenali barathro.\nIbi aurum, uestes, argentum ulnis refertis,\nBallatur ibi, dein cantatur pro psalmis amori.\nVitam esse putas, ubi ludi, aut prospicis ista:\nSortiris, ignare, extincta, aurea quaeris.\nInde non effugies pestem, licet ipse diuines.\nGratiam, quam misit Dominus in terra legenda<m>,\nNon requiris eam, sed sic quasi besteus errans.\nAurea post fata ueniet tibi saecla, si credis recte,\nRursus ut incipias inmortale uiuere semper.\nIllud quoque datur scire, quod ante fuisti:\nSubiectum te praebe Deo, qui cuncta gubernat.","prev":{"citation":"Instructiones 1.33","label":"Poem 1.33","url":"https://interlinea.aeterna-institute.org/library/latin/commodianus/instructiones/1.33","api":"https://interlinea.aeterna-institute.org/api/v1/library/latin/commodianus/instructiones/1.33"},"next":{"citation":"Instructiones 1.35","label":"Poem 1.35","url":"https://interlinea.aeterna-institute.org/library/latin/commodianus/instructiones/1.35","api":"https://interlinea.aeterna-institute.org/api/v1/library/latin/commodianus/instructiones/1.35"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}