{"kind":"section","lang":"la","language":"Latin","title":"Instructiones 1.37","citation":"Commodianus, Instructiones 1.37","ref":"1.37","level":null,"urn":null,"url":"https://interlinea.aeterna-institute.org/library/latin/commodianus/instructiones/1.37","api":"https://interlinea.aeterna-institute.org/api/v1/library/latin/commodianus/instructiones/1.37","markdown":"https://interlinea.aeterna-institute.org/library/latin/commodianus/instructiones/1.37.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":155,"text":"Quid? medius Iudaeus, medius uis esse profanus?\nVnde non effugies iudicium Christi defunctus.\nIpse caecus erras et ad caecos intras, inepte;\nIdcirco caecus caecum in fossa reducit.\nVadis ubi nescis, et inscius inde recedis.\nDiscentes ad doctos eunt, ut docti recedant,\nAt tu aliis uadis, unde nihil discere possis.\nExis pro foribus, inde et ad idola uadis.\nInterroga primum, quod sit in lege praeceptum,\nDicant illi tibi, si iussum est deos adorare.\nIgnoratur enim propter quod maxime sumus:\nAt illi quoniam rei sunt ex ipso delicto,\nNihil de praeceptis Dei nisi mirabilia narrant.\nTunc tamen in fossam secum uos caeci deducunt.\nFunera sunt; nimium de illis tota deferre,\nAut, quia concludor, agerem congustus aratris.\nNoluit Omnipotens illos intellegere Regem;\nA scelere a tanto refugit ipse cruentos.\nTradidit se nobis <noua> superaddita lege,\nInde modo latrant nobiscum re<ge> deserti.\nCeterum in illis si spem <in>esse putatis,\nIn totum erratis, si Deum et fana colatis.","prev":{"citation":"Instructiones 1.36","label":"Poem 1.36","url":"https://interlinea.aeterna-institute.org/library/latin/commodianus/instructiones/1.36","api":"https://interlinea.aeterna-institute.org/api/v1/library/latin/commodianus/instructiones/1.36"},"next":{"citation":"Instructiones 1.38","label":"Poem 1.38","url":"https://interlinea.aeterna-institute.org/library/latin/commodianus/instructiones/1.38","api":"https://interlinea.aeterna-institute.org/api/v1/library/latin/commodianus/instructiones/1.38"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}