{"kind":"section","lang":"la","language":"Latin","title":"Instructiones 1.41","citation":"Commodianus, Instructiones 1.41","ref":"1.41","level":null,"urn":null,"url":"https://interlinea.aeterna-institute.org/library/latin/commodianus/instructiones/1.41","api":"https://interlinea.aeterna-institute.org/api/v1/library/latin/commodianus/instructiones/1.41","markdown":"https://interlinea.aeterna-institute.org/library/latin/commodianus/instructiones/1.41.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":130,"text":"Dixit Esaias: Hic homo, qui commouit orbem\nEt reges totidem, sub quo fiet terra deserta.\nAudite, quoniam propheta de illo praedixit;\nNihil ego conposite dixi, sed lege<m> legendo.\nTum scilicet mundus finitur, cum ille parebit\nEt tres imperantes ipse deuicerit orbe.\nCum fuerit autem Nero de inferno leuatus,\nHelias ueniet prius signare dilectos,\nRex quam sub fine regit et artatio tota.\nIn septem annis tremebit undique terra:\nSed medium tempus Helias, medium Nero tenebit.\nTunc Babillon meretrix <erit> incinefacta fauilla\nInde ad Hierusalem perget, uictorque Latinus\nTunc dicit: Ego sum Christus, quem semper oratis.\nEt quidem conlaudant illum primitiui decepti\nMulta signa facit quoniam cuius pseudopropheta.\nPraesertim, ut credant illi, loquetur imago;\nOmnipotens tribuit, ut <spiri>talis eradat.\nRecapitulantes scripturas ex eo Iudaei\nExclamant pariter ad Excelsum sese deceptos.","prev":{"citation":"Instructiones 1.40","label":"Poem 1.40","url":"https://interlinea.aeterna-institute.org/library/latin/commodianus/instructiones/1.40","api":"https://interlinea.aeterna-institute.org/api/v1/library/latin/commodianus/instructiones/1.40"},"next":{"citation":"Instructiones 1.42","label":"Poem 1.42","url":"https://interlinea.aeterna-institute.org/library/latin/commodianus/instructiones/1.42","api":"https://interlinea.aeterna-institute.org/api/v1/library/latin/commodianus/instructiones/1.42"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}