{"kind":"section","lang":"la","language":"Latin","title":"Instructiones 1.43","citation":"Commodianus, Instructiones 1.43","ref":"1.43","level":null,"urn":null,"url":"https://interlinea.aeterna-institute.org/library/latin/commodianus/instructiones/1.43","api":"https://interlinea.aeterna-institute.org/api/v1/library/latin/commodianus/instructiones/1.43","markdown":"https://interlinea.aeterna-institute.org/library/latin/commodianus/instructiones/1.43.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":128,"text":"Dat tuba caelo signum sublato leone\nEt fiunt desubito tenebrae cum caeli fragore.\nSummittit oculos Dominus, ut terra tremescat,\nAdclamat et<iam>, ut audiant omnes in orbem:\n\"Ecce diu tacui sufferens tanto tempore uestra!\"\nConclamant pariter plangentes sero gementes,\nVlulatur, ploratur, nec spatium datur iniquis.\nLactanti quod faciet mater, cum ipsa crematur?\nIn flamma ignis Dominus iudicabit iniquos:\nIustos autem non tanget ignis, sed immo delinget.\nSub uno morantur, sed pars in sententia flebit.\nTantus erit ardor, ut lapides ipsi liquescant,\nIn fulmine cogunt uenti, furet ira caelestis\nVt, quacumque fugit, impius occupetur ab igne.\nSubpetium nullum erit nec nauticae puppes.\nFlamma tamen gentis media partiturque seruans,\nIn annis mille ut ferant corpora sanctis.\nNam inde post annos mille gehennae traduntur,\nEt fabrica cuius erant cum ipsa cremantur.","prev":{"citation":"Instructiones 1.42","label":"Poem 1.42","url":"https://interlinea.aeterna-institute.org/library/latin/commodianus/instructiones/1.42","api":"https://interlinea.aeterna-institute.org/api/v1/library/latin/commodianus/instructiones/1.42"},"next":{"citation":"Instructiones 1.44","label":"Poem 1.44","url":"https://interlinea.aeterna-institute.org/library/latin/commodianus/instructiones/1.44","api":"https://interlinea.aeterna-institute.org/api/v1/library/latin/commodianus/instructiones/1.44"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}