{"kind":"section","lang":"la","language":"Latin","title":"Instructiones 1.44","citation":"Commodianus, Instructiones 1.44","ref":"1.44","level":null,"urn":null,"url":"https://interlinea.aeterna-institute.org/library/latin/commodianus/instructiones/1.44","api":"https://interlinea.aeterna-institute.org/api/v1/library/latin/commodianus/instructiones/1.44","markdown":"https://interlinea.aeterna-institute.org/library/latin/commodianus/instructiones/1.44.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":146,"text":"De caelo descendit ciuitas in anastase prima.\nEt quod referamus de fabrica tanta caeleste?\nResurgimus illi, qui fuimus illi deuoti,\nEt incorrupti erint iam tunc sine morte uiuentes,\nSed nec dolor ullus nec gemitus erit in illa.\nVenturi sunt illi quoque, sub Antechristo qui uincunt\nRobusta mar<tyr>ia, et ipsi toto tempore uiuunt\nRecipiuntque bona, quoniam mala passi fuere,\nEt generant ipsi per annos mille nubentes.\nConparantur ibi tota uectigalia terrae,\nTerra quia nimium fundit sine fine nouata.\nInibi non pluuiam, non frigus in aurea castra,\nObsidiae nullae, sicut nunc, neque rapinae.\nNec lucernae lumen desiderat ciuitas illa:\nEx auctore suo lucet, nec nox ibi paret.\nPer duodecim milia stadia lata, longa, sic alta;\nRadicem in terra, sed caput cum caelo peraequat;\nIn urbem pro foribus autem sol aut luna lucebit.\nMalus in angore saeptus propter iustos alendos.\nAb annis autem mille Deus omnia portat.","prev":{"citation":"Instructiones 1.43","label":"Poem 1.43","url":"https://interlinea.aeterna-institute.org/library/latin/commodianus/instructiones/1.43","api":"https://interlinea.aeterna-institute.org/api/v1/library/latin/commodianus/instructiones/1.43"},"next":{"citation":"Instructiones 1.45","label":"Poem 1.45","url":"https://interlinea.aeterna-institute.org/library/latin/commodianus/instructiones/1.45","api":"https://interlinea.aeterna-institute.org/api/v1/library/latin/commodianus/instructiones/1.45"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}