{"kind":"section","lang":"la","language":"Latin","title":"Instructiones 1.6","citation":"Commodianus, Instructiones 1.6","ref":"1.6","level":null,"urn":null,"url":"https://interlinea.aeterna-institute.org/library/latin/commodianus/instructiones/1.6","api":"https://interlinea.aeterna-institute.org/api/v1/library/latin/commodianus/instructiones/1.6","markdown":"https://interlinea.aeterna-institute.org/library/latin/commodianus/instructiones/1.6.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":172,"text":"Dicitis o stulti: Iouis tonat, fulminat ipse.\nEtsi paruulitas sic sensit, cur anni dicentes?\nFuistis infantes: numquid et semper eritis?\nVersari inmaturum infantia non capit <usus>\nLusus puerilis cessit: sic et corda recedant;\nMoribus utique consilia uestra debentur.\nInsipiens ergo Iouem tonitruare tu credis\nNatum hic in terris et lacte caprino nutritum;\nErgo si illum deuorasset <pater> Saturnus,\nIn istis temporibus quis pluebat illo defuncto?\nPraesertim mortali patre deus nasci credatur?\nSaturnus in terris senuit et defecit in ipsis.\nIllum non aliquis prophetauit ante pronasci.\nVel, si tonat ipse, lex ab ipso lata fuisset.\nSeducunt historiae, factus cum fue<rat ipse>.\nIlle autem in Cretam regnauit et ibi defecit.\nOmnipotens uobis factus Semelis amator.\nVix ipse modo similiter amaret, si uiuere<t> ille.\nInpuros oratis et dicitis esse caelestes\nSemine mortali natos de Gigantibus illis.\nAuditis et legitis natum in terra fuisse:\nVnde bene meruit corruptor ascendere caelum?\nDicitis et fulmen Ciclopas illi fecissent.\nInmortalis enim habuit a mortalibus arma.\nTot reum criminibus, parricidam quoque suorum,\nEx auctoritate uestra contulistis in altum.","prev":{"citation":"Instructiones 1.5","label":"Poem 1.5","url":"https://interlinea.aeterna-institute.org/library/latin/commodianus/instructiones/1.5","api":"https://interlinea.aeterna-institute.org/api/v1/library/latin/commodianus/instructiones/1.5"},"next":{"citation":"Instructiones 1.7","label":"Poem 1.7","url":"https://interlinea.aeterna-institute.org/library/latin/commodianus/instructiones/1.7","api":"https://interlinea.aeterna-institute.org/api/v1/library/latin/commodianus/instructiones/1.7"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}