{"kind":"section","lang":"la","language":"Latin","title":"Instructiones 1.7","citation":"Commodianus, Instructiones 1.7","ref":"1.7","level":null,"urn":null,"url":"https://interlinea.aeterna-institute.org/library/latin/commodianus/instructiones/1.7","api":"https://interlinea.aeterna-institute.org/api/v1/library/latin/commodianus/instructiones/1.7","markdown":"https://interlinea.aeterna-institute.org/library/latin/commodianus/instructiones/1.7.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":152,"text":"De circulo zonae fallit uos imperitia uestra,\nEx eo quod forte Iouem experitis orandum.\nSaturnus fertur ibi, sed stella, non ille; effugit\nExpulsus a Ioue. Aut Iouis in stella credatur\nPoli quoque sidera tractauit solisque sator?\nTroianis qui bellum fecit, auem mortalem amauit.\nIpsis sideribus aut Mars qui cum ipsa deprehensus\nZelo maritali deus dominetur aduliscens?\nO nimium stulti, qui putatis moechos ab astris\nNascentes regere aut tota<m> mundi natura<m>.\nIn uulnera positi et ipsi sub fata uiuentes,\nObsceni, furiosi, bellatores, impii uitae,\nEt filios totidem mortales illi fecere:\nTerribilis omnis, stulti, septizonio fortis!\nSi stellas colitis, colite et bis sena sigilla!\nTam arietem, taurum, geminos, toruumque leonem\nEt dein qui uadunt in piscibus tu quoque probabis.\nLex sine lege, fuga uestra, quod uult esse ualebit.\nLasciua uult esse, sine freno uiuere quaerit.\nIpsi quod uultis erit, et deos et deas oratis.\nSic ego colui, dum erraui, quos modo culpo.","prev":{"citation":"Instructiones 1.6","label":"Poem 1.6","url":"https://interlinea.aeterna-institute.org/library/latin/commodianus/instructiones/1.6","api":"https://interlinea.aeterna-institute.org/api/v1/library/latin/commodianus/instructiones/1.6"},"next":{"citation":"Instructiones 1.8","label":"Poem 1.8","url":"https://interlinea.aeterna-institute.org/library/latin/commodianus/instructiones/1.8","api":"https://interlinea.aeterna-institute.org/api/v1/library/latin/commodianus/instructiones/1.8"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}