{"kind":"section","lang":"la","language":"Latin","title":"Instructiones 2.12","citation":"Commodianus, Instructiones 2.12","ref":"2.12","level":null,"urn":null,"url":"https://interlinea.aeterna-institute.org/library/latin/commodianus/instructiones/2.12","api":"https://interlinea.aeterna-institute.org/api/v1/library/latin/commodianus/instructiones/2.12","markdown":"https://interlinea.aeterna-institute.org/library/latin/commodianus/instructiones/2.12.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":159,"text":"Si quidam doctores, dum expectant munera uestra\nAut timent personas, laxantes singula uobis,\nEt ego non doceo, sed cogor dicere uerum.\nCum caterua Mali pergis ad expectacula uana,\nVbi Satanas fragoribus conparat astus\nLicere persuadis tibi, quocumque placebit.\nAltissimi prolis cum filiis Zabuli mixta\nRespicere non uis, cui renuntiasti, priora.\nIn ipsis uersaris iterum: qui proderit Vnus?\nAut si pro languore datum quod stulte profanas\nI........................................\nNolite diligere mundum neque ambitum eius:\nTanta Dei uox est, et tibi pro le<ui> uidetur.\nObseruas mandatum hominis, et Dei deuitas;\nTu fidis muneri, quod doctores ora procludunt\nVt taceant neque dicant tibi iussa diuina.\nMe uera dicentem si contemneres, prospice Summum:\nFilius cuius eras, illi te adsigna clientem.\nViuere si quaeris gentiliter homo fidelis,\nGaudia te mundi remouent a gratia Christi;\nIndisciplinate quod leue licere praesumis,\nEt choros historicos et cantica musica quaeris,\nNec tali subolem exuanniri amentia curas.\nDum uita frunisci putas, inprouidus erras.\nAltissimus uiuet, et iusta praecepta deuitas.","prev":{"citation":"Instructiones 2.11","label":"Poem 2.11","url":"https://interlinea.aeterna-institute.org/library/latin/commodianus/instructiones/2.11","api":"https://interlinea.aeterna-institute.org/api/v1/library/latin/commodianus/instructiones/2.11"},"next":{"citation":"Instructiones 2.13","label":"Poem 2.13","url":"https://interlinea.aeterna-institute.org/library/latin/commodianus/instructiones/2.13","api":"https://interlinea.aeterna-institute.org/api/v1/library/latin/commodianus/instructiones/2.13"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}