{"kind":"section","lang":"la","language":"Latin","title":"Instructiones 2.13","citation":"Commodianus, Instructiones 2.13","ref":"2.13","level":null,"urn":null,"url":"https://interlinea.aeterna-institute.org/library/latin/commodianus/instructiones/2.13","api":"https://interlinea.aeterna-institute.org/api/v1/library/latin/commodianus/instructiones/2.13","markdown":"https://interlinea.aeterna-institute.org/library/latin/commodianus/instructiones/2.13.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":136,"text":"Cum Dominus dicat, in gemitum edere panem,\nHic ut quid nunc agis, qui cupis uiuere laetus?\nRescindere quaeris sententiam Summi demissa<m>\nIn protoplausto uide frenum procedere legis.\nSi Deus omnipotens cum sudore uiuere iussit,\nTu qui iocundaris, ergo iam exter es illi.\nIndignatum ait Dominum scriptura Iudaeis:\nAb esca refecti surrexerunt ludere fili.\nNunc ergo cur illos persequimur sponte profectos?\nVnde perierunt illi, nos cauere debemus.\nMaxima pars uestra luxuriis dedita paret.\nTransgrederis legem, cum te facis musicis inter.\nApostolus clamat, <clamat> immo Deus per illum:\nLicentia uestra uos, inquit in ipsa, deperdunt.\nEsto ergo talis, qualem uult esse te Christus:\nMitis et in illo hilaris, nam saeculo tristis.\nExcurre, labora, suda, cum tristitia pugna;\nSpes cum labore uenit et uictoriae palma donatur.\nSi refrigerare cupis animam, ad martyres i!\nExpecta requiem futurorum transitu mortis.","prev":{"citation":"Instructiones 2.12","label":"Poem 2.12","url":"https://interlinea.aeterna-institute.org/library/latin/commodianus/instructiones/2.12","api":"https://interlinea.aeterna-institute.org/api/v1/library/latin/commodianus/instructiones/2.12"},"next":{"citation":"Instructiones 2.14","label":"Poem 2.14","url":"https://interlinea.aeterna-institute.org/library/latin/commodianus/instructiones/2.14","api":"https://interlinea.aeterna-institute.org/api/v1/library/latin/commodianus/instructiones/2.14"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}