{"kind":"section","lang":"la","language":"Latin","title":"Instructiones 2.15","citation":"Commodianus, Instructiones 2.15","ref":"2.15","level":null,"urn":null,"url":"https://interlinea.aeterna-institute.org/library/latin/commodianus/instructiones/2.15","api":"https://interlinea.aeterna-institute.org/api/v1/library/latin/commodianus/instructiones/2.15","markdown":"https://interlinea.aeterna-institute.org/library/latin/commodianus/instructiones/2.15.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":143,"text":"Audiuisti uocem, quae uis Christiana manere,\nBeatus Paulus qualiter rogare praecepit.\nCaeliloquax autem Esaias doctor et auctor\n(Detestatur enim caritatem mundi sequentes)\nExaltatae, inquit, ceciderunt filiae Sion.\nFas in Deo non est Christianam coli fidelem.\nGentili more quaeris praecedere Dei sancta?\nHas Dei praecones damnant in lege clamantes\nIniustas esse feminas, quae se taliter ornant.\nKapillos inficitis, oculos nigrore linitis,\nLunatis comulas gradulatim fronte deuinctas,\nMala<m> medicatis quodam superducto rubore,\nNec non et inaures grauissimo pondere pendent,\nObruitis collum naturale gemmis et auro,\nPalmas Deo dignas praesagio malo ligatis.\nQuid memorem uestes aut tota<m> Zabuli pompa<m>?\nRespuitis legem, mauultis mundo placere,\nSaltatis in domibus, pro psalmis cantatis amores.\nTu licet sis casta, non te purgat sinistra sequendo:\nVos ideo tales Christus cum gentibus aequat.\nXancta Dei mulier diuitias corde demonstrat.\nYmnificato choro placitoque Christo seruire\nZelantes fauore Christo offerte odorem.","prev":{"citation":"Instructiones 2.14","label":"Poem 2.14","url":"https://interlinea.aeterna-institute.org/library/latin/commodianus/instructiones/2.14","api":"https://interlinea.aeterna-institute.org/api/v1/library/latin/commodianus/instructiones/2.14"},"next":{"citation":"Instructiones 2.16","label":"Poem 2.16","url":"https://interlinea.aeterna-institute.org/library/latin/commodianus/instructiones/2.16","api":"https://interlinea.aeterna-institute.org/api/v1/library/latin/commodianus/instructiones/2.16"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}