{"kind":"section","lang":"la","language":"Latin","title":"Instructiones 2.16","citation":"Commodianus, Instructiones 2.16","ref":"2.16","level":null,"urn":null,"url":"https://interlinea.aeterna-institute.org/library/latin/commodianus/instructiones/2.16","api":"https://interlinea.aeterna-institute.org/api/v1/library/latin/commodianus/instructiones/2.16","markdown":"https://interlinea.aeterna-institute.org/library/latin/commodianus/instructiones/2.16.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":164,"text":"Iustus ego non sum, fratres, de cloaca leuatus,\nNec me supertollo, sed doleo uestri, qui cerno\nEx tanto populo nullum in agone coronari.\nCerte si non ipse pugnat, uel suggerat illis.\nCladem obiurgate, ouanter officite luxu!\nLabora<t> frater aduersante mundo sub armis,\nEt fretus opibus nec pugnas nec pugnanti resistis.\nStulte, non intendis unum bellare pro multis?\nIn talem pendit ecclesia tota, si uincat.\nAbstinere uides fratrem et pugnare cum hoste.\nOptas tu in castris pacem, foras ille repugnat.\nMisericors esto, ut sis ante omnia saluus.\nNec intuis Dominum praeconio tanto clamante<m>,\nInimicis etiam qui iubet alimenta praebere?\nPrandia ob ea prospice diurna, quae semper\nOmnibus omnino diebus cum pauperis sumpsit.\nPascere tu quaeris, stulte, qui te denuo pascat.\nVix ille mihi paret, qui conponi proponit.\nLaute cibatum distenso uentre declamas,\nOppressus inopia frater est iuxta tabescens.\nDe die Dominica quid dicis? Si non ante uocauit,\nExuoca de turba pauperem quem ad prandium ducas\nIn talibus spes est uestra de uestro refectis.","prev":{"citation":"Instructiones 2.15","label":"Poem 2.15","url":"https://interlinea.aeterna-institute.org/library/latin/commodianus/instructiones/2.15","api":"https://interlinea.aeterna-institute.org/api/v1/library/latin/commodianus/instructiones/2.15"},"next":{"citation":"Instructiones 2.17","label":"Poem 2.17","url":"https://interlinea.aeterna-institute.org/library/latin/commodianus/instructiones/2.17","api":"https://interlinea.aeterna-institute.org/api/v1/library/latin/commodianus/instructiones/2.17"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}