{"kind":"section","lang":"la","language":"Latin","title":"Instructiones 2.18","citation":"Commodianus, Instructiones 2.18","ref":"2.18","level":null,"urn":null,"url":"https://interlinea.aeterna-institute.org/library/latin/commodianus/instructiones/2.18","api":"https://interlinea.aeterna-institute.org/api/v1/library/latin/commodianus/instructiones/2.18","markdown":"https://interlinea.aeterna-institute.org/library/latin/commodianus/instructiones/2.18.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":111,"text":"Belligerare cupis, stulte, quasi bella quiescunt!\nEx protoplausto die pugnatur in fine nobis.\nLibido praecipitat: bellum est, compugna cum illo.\nLuxuria suadet: abutere, bellum uicisti.\nVino copioso parce, ne per illum aberres;\nMaledicti retinete linguam, unde dominum adoras;\nConpescere furiam, pacificum redde te cunctis;\nOppressos miseriis depremere caue minores\nTerrorem adcommoda tantum et noli nocere;\nTramite uos recto ducite sincero per saeclum\nIn tuis diuitiis communem te redde pusillis;\nDe labore tuo dona, nudum uesti: sic uincis.\nInsidias nullo facias qui Deo deseruis:\nAspice principium, unde perit inuidiis hostis.\nNon sum ego doctor, sed lex docet ipsa clamando.\nVerba geris tanta uana, qui sub uno momento\nMartyrium quaeris otiosus tollere Christo.","prev":{"citation":"Instructiones 2.17","label":"Poem 2.17","url":"https://interlinea.aeterna-institute.org/library/latin/commodianus/instructiones/2.17","api":"https://interlinea.aeterna-institute.org/api/v1/library/latin/commodianus/instructiones/2.17"},"next":{"citation":"Instructiones 2.19","label":"Poem 2.19","url":"https://interlinea.aeterna-institute.org/library/latin/commodianus/instructiones/2.19","api":"https://interlinea.aeterna-institute.org/api/v1/library/latin/commodianus/instructiones/2.19"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}