{"kind":"section","lang":"la","language":"Latin","title":"Instructiones 2.19","citation":"Commodianus, Instructiones 2.19","ref":"2.19","level":null,"urn":null,"url":"https://interlinea.aeterna-institute.org/library/latin/commodianus/instructiones/2.19","api":"https://interlinea.aeterna-institute.org/api/v1/library/latin/commodianus/instructiones/2.19","markdown":"https://interlinea.aeterna-institute.org/library/latin/commodianus/instructiones/2.19.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":146,"text":"Dum cupis, inde peris, dum ardes proximi zelo;\nExtinguis te ipsum, quando te incendis abactus.\nZelaris alium, inuide, de malo lucrantem,\nEt te parem concupis fieri pecuniae tantae.\nLex sic non aspicit; dum illam incumbere quaeris,\nOmnia suspensus uiuis in ardore lucrorum;\nCumque reus tibi sis ipsum te iudice damnans,\nOculorum acies nunquam satiatur auara.\nNunc ergo si credeas et cogites: uana cupido est\nCongere<re> nimium sub fragili uita moranti.\nVnde Deus clamat: Stulte, hanc noctem uocaris!\nPostea ruina ruit: cuius erint ista talenta?\nIn suprema cadis iniusta lucra conando,\nSuggeret cum Dominus unicuique uicta diurna.\nCongestet alius: tu bono uiuere quaere,\nEt Deus cor censens agis super omnia uictor;\nNec enim dico, ut in timore te mittas,\nCum pro die tuo uigilas sine fraude uiuendo.\nIn esca perit auis aut inhaeret inprouida uisco.\nArbitrare tibi simpliciter ualde cauendum.\nExcedant alii, finem tu prospice semper.","prev":{"citation":"Instructiones 2.18","label":"Poem 2.18","url":"https://interlinea.aeterna-institute.org/library/latin/commodianus/instructiones/2.18","api":"https://interlinea.aeterna-institute.org/api/v1/library/latin/commodianus/instructiones/2.18"},"next":{"citation":"Instructiones 2.20","label":"Poem 2.20","url":"https://interlinea.aeterna-institute.org/library/latin/commodianus/instructiones/2.20","api":"https://interlinea.aeterna-institute.org/api/v1/library/latin/commodianus/instructiones/2.20"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}