{"kind":"section","lang":"la","language":"Latin","title":"Instructiones 2.24","citation":"Commodianus, Instructiones 2.24","ref":"2.24","level":null,"urn":null,"url":"https://interlinea.aeterna-institute.org/library/latin/commodianus/instructiones/2.24","api":"https://interlinea.aeterna-institute.org/api/v1/library/latin/commodianus/instructiones/2.24","markdown":"https://interlinea.aeterna-institute.org/library/latin/commodianus/instructiones/2.24.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":86,"text":"Pastor si confessus fuerit, geminauit agonem.\nApostolus autem tales iubet esse magistros:\nSit patiens rector, sciat, ubi frena remittat;\nTerreat in primis, et postea melle perungat,\nObseruetque prius, ut faciat ipse quid dicit;\nRedditur in culpa pastor saecularia seruans,\nIn faciem cuius sis ausus dicere quicquam.\nBullit in inferno rumoribus ipsa gehenna:\nVae miserae plebi, dubia quae forte uacillat!\nSi talis aderit pastor, paene perdita instat;\nDeuotus autem <eam> continet recte gubernans;\nExhilaratur enim ex anima regibus aptis.\nIn talibus spes est et uiuit ecclesia tota.","prev":{"citation":"Instructiones 2.23","label":"Poem 2.23","url":"https://interlinea.aeterna-institute.org/library/latin/commodianus/instructiones/2.23","api":"https://interlinea.aeterna-institute.org/api/v1/library/latin/commodianus/instructiones/2.23"},"next":{"citation":"Instructiones 2.25","label":"Poem 2.25","url":"https://interlinea.aeterna-institute.org/library/latin/commodianus/instructiones/2.25","api":"https://interlinea.aeterna-institute.org/api/v1/library/latin/commodianus/instructiones/2.25"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}