{"kind":"section","lang":"la","language":"Latin","title":"Instructiones 2.25","citation":"Commodianus, Instructiones 2.25","ref":"2.25","level":null,"urn":null,"url":"https://interlinea.aeterna-institute.org/library/latin/commodianus/instructiones/2.25","api":"https://interlinea.aeterna-institute.org/api/v1/library/latin/commodianus/instructiones/2.25","markdown":"https://interlinea.aeterna-institute.org/library/latin/commodianus/instructiones/2.25.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":114,"text":"Me solum exposcit tempus uobis dicere uerum.\nAb uno semper mouitur, quod multi detractant.\nIn me solo uolo odia conuertere uestra,\nOmnium ut pausent praecordias tanto rumore.\nRespicite dictum, quod ueritas odia tollat.\nIam praedixi quod est de pace subdola quanta!\nBlandiendo uobis subrepsit Euae seductor.\nVos quia nescitis, laqueo instar ruistis,\nSorbitis omnino auram dum saeculi ipsam.\nNon gratis aget, pro quo interceditis, ullus;\nAb igne qui refugit, agit in uoragine uestro.\nTunc repetit suppetium miser denudatus a uobis:\nIpsi iam horrescunt iudices peculantia uestra.\nDe breuiori titulo nam in uobis inararem.\nInspicitis dicentes, quibus uos ostenditis ultro;\nCum ipsis et epulas capitis et pascitis ipsos.\nOb ea iam terrae paene fundamenta paratis.","prev":{"citation":"Instructiones 2.24","label":"Poem 2.24","url":"https://interlinea.aeterna-institute.org/library/latin/commodianus/instructiones/2.24","api":"https://interlinea.aeterna-institute.org/api/v1/library/latin/commodianus/instructiones/2.24"},"next":null,"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}