{"kind":"section","lang":"la","language":"Latin","title":"Instructiones 2.3","citation":"Commodianus, Instructiones 2.3","ref":"2.3","level":null,"urn":null,"url":"https://interlinea.aeterna-institute.org/library/latin/commodianus/instructiones/2.3","api":"https://interlinea.aeterna-institute.org/api/v1/library/latin/commodianus/instructiones/2.3","markdown":"https://interlinea.aeterna-institute.org/library/latin/commodianus/instructiones/2.3.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":121,"text":"Fallantur uolucres et siluarum bestei escis:\nIncauta natura quibus est tradita mentis,\nDecipiunturque strofia aut esca sequentes,\nEt uitare malum nesciunt nec lege tenentur.\nLex homini data est et doctrina uitae legenda,\nEx qua recordatur, ut possit uiuere caute,\nSui quoque locum, mortis et deroget ea quae sunt.\nCondemnat se ipsum grauiter qui regi delinquet:\nAut ferro ligatur aut decus gradu deiectus\nVel uita priuatus perdet, quod frui deberet.\nExemplo moniti grauiter peccare nolite,\nTranslati lauacro magis caritatem habete,\nEt escam muscipuli, ubi mors est, longe uitate.\nMulta sunt martyria, quae sunt sine sanguine fuso.\nAlienum non cupire, uelle martyrii habere,\nLinguam refrenare, humilem te reddere debes,\nVim ultro non facere nec factam reddere contra\nMens patiens fueris: intellege martyrem esse.","prev":{"citation":"Instructiones 2.2","label":"Poem 2.2","url":"https://interlinea.aeterna-institute.org/library/latin/commodianus/instructiones/2.2","api":"https://interlinea.aeterna-institute.org/api/v1/library/latin/commodianus/instructiones/2.2"},"next":{"citation":"Instructiones 2.4","label":"Poem 2.4","url":"https://interlinea.aeterna-institute.org/library/latin/commodianus/instructiones/2.4","api":"https://interlinea.aeterna-institute.org/api/v1/library/latin/commodianus/instructiones/2.4"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}