{"kind":"section","lang":"la","language":"Latin","title":"Instructiones 2.4","citation":"Commodianus, Instructiones 2.4","ref":"2.4","level":null,"urn":null,"url":"https://interlinea.aeterna-institute.org/library/latin/commodianus/instructiones/2.4","api":"https://interlinea.aeterna-institute.org/api/v1/library/latin/commodianus/instructiones/2.4","markdown":"https://interlinea.aeterna-institute.org/library/latin/commodianus/instructiones/2.4.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":85,"text":"Paenitens es factus: noctibus diebusque precare,\nAttamen a matre noli discedere longe,\nEt tibi misericors poterit Altissimus esse.\nNon fiet in uacuum confusio culpae perinde\nIn reatu tuo debes manifesta deflere,\nTu si uulnus habes altum, medicumque require,\nEt tamen in poenis poteris tua damna lenire.\nNamque fatebor enim unum me ex uobis adesse\nTerroremque diu quondam sensisse ruinae.\nIdcirco commoneo uulneratos cautius ire,\nBarbam <atque> comam foedare in puluere terrae\nVolutareque saccis et petere summo de Rege\nSubuenire tibi, ne pereas forte de plebe.","prev":{"citation":"Instructiones 2.3","label":"Poem 2.3","url":"https://interlinea.aeterna-institute.org/library/latin/commodianus/instructiones/2.3","api":"https://interlinea.aeterna-institute.org/api/v1/library/latin/commodianus/instructiones/2.3"},"next":{"citation":"Instructiones 2.5","label":"Poem 2.5","url":"https://interlinea.aeterna-institute.org/library/latin/commodianus/instructiones/2.5","api":"https://interlinea.aeterna-institute.org/api/v1/library/latin/commodianus/instructiones/2.5"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}