{"kind":"section","lang":"la","language":"Latin","title":"Instructiones 2.8","citation":"Commodianus, Instructiones 2.8","ref":"2.8","level":null,"urn":null,"url":"https://interlinea.aeterna-institute.org/library/latin/commodianus/instructiones/2.8","api":"https://interlinea.aeterna-institute.org/api/v1/library/latin/commodianus/instructiones/2.8","markdown":"https://interlinea.aeterna-institute.org/library/latin/commodianus/instructiones/2.8.md","author":{"name":"Commodianus","url":"https://interlinea.aeterna-institute.org/library/latin/commodianus"},"work":{"title":"Instructiones","url":"https://interlinea.aeterna-institute.org/library/latin/commodianus/instructiones","urn":"urn:cts:latinLit:stoa0096.stoa003"},"verse":true,"words":101,"text":"Militiae nomen cum dederis, freno teneris.\nIncipe tunc ergo dimitte<re> pristina gesta,\nLuxurias uita, quoniam labor inminet armis;\nImperio Regis omni uirtute parendum,\nTempora postrema si uis pertingere laeta.\nIlla bonus milis semper expecta fruenda,\nBlandire noli tibi, desidias omnino omitte;\nVt tuo proposito cottidie praesto sis ante,\nSollicitus esto, matutinus signa reuise.\nCum uideris bellum, agonia sume propinquus;\nHaec gloria Regis, militem uidere paratum.\nRex adest optato; propter spem dimicat uestram;\nIlle parat dona, ille pro uictoria lectos\nSuscipit et proprium satellem dedicat esse.\nTu tibi praeterea in datis parcere noli,\nImpiger esto magis, ut reddat famam pro morte.","prev":{"citation":"Instructiones 2.7","label":"Poem 2.7","url":"https://interlinea.aeterna-institute.org/library/latin/commodianus/instructiones/2.7","api":"https://interlinea.aeterna-institute.org/api/v1/library/latin/commodianus/instructiones/2.7"},"next":{"citation":"Instructiones 2.9","label":"Poem 2.9","url":"https://interlinea.aeterna-institute.org/library/latin/commodianus/instructiones/2.9","api":"https://interlinea.aeterna-institute.org/api/v1/library/latin/commodianus/instructiones/2.9"},"credit":{"text":"Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/COMM%7Cins1%7C001","quality":"proofread"}}