{"kind":"section","lang":"la","language":"Latin","title":"Orestes 962-974","citation":"Dracontius, Orestes 962-974","ref":"962","level":null,"urn":null,"url":"https://interlinea.aeterna-institute.org/library/latin/dracontius/orestes/962","api":"https://interlinea.aeterna-institute.org/api/v1/library/latin/dracontius/orestes/962","markdown":"https://interlinea.aeterna-institute.org/library/latin/dracontius/orestes/962.md","author":{"name":"Dracontius","url":"https://interlinea.aeterna-institute.org/library/latin/dracontius"},"work":{"title":"Orestes","url":"https://interlinea.aeterna-institute.org/library/latin/dracontius/orestes","urn":null},"verse":true,"words":80,"text":"Regia diuitiis reputantur tecta relatis.\nDi, quibus imperio est facilis concessa Tonantis\nAeris et pelagi terrae caelique potestas,\nVos pietas miseranda rogat, uos mitis honestas,\nVos bona simplicitas, affectus sanguinis orat,\nVos genus humanum, consortia sancta cruoris,\nStemmata uos generis, cognatio iuncta precatur:\nCrimina Lemniadum sat erant, Danaeia festa,\nQuae thalamos fecere rogos, et facta Thyestis\nInnumerumque nefas, quod sit narrare pudoris;\nEcce Mycenaea triplex iam scaena profanat\nGraiugenum famam: uestro iam parcite mundo\nAtque usum scelerum miseris arcete Pelasgis.","prev":{"citation":"Orestes 917-961","label":"Lines 917-961","url":"https://interlinea.aeterna-institute.org/library/latin/dracontius/orestes/917","api":"https://interlinea.aeterna-institute.org/api/v1/library/latin/dracontius/orestes/917"},"next":null,"credit":{"text":"Dracontius, Orestes. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/DRAC%7Cores%7C001","quality":"proofread"}}