{"kind":"section","lang":"la","language":"Latin","title":"Romulea 7.140-159","citation":"Dracontius, Romulea 7.140-159","ref":"7.140","level":null,"urn":null,"url":"https://interlinea.aeterna-institute.org/library/latin/dracontius/romulea/7.140","api":"https://interlinea.aeterna-institute.org/api/v1/library/latin/dracontius/romulea/7.140","markdown":"https://interlinea.aeterna-institute.org/library/latin/dracontius/romulea/7.140.md","author":{"name":"Dracontius","url":"https://interlinea.aeterna-institute.org/library/latin/dracontius"},"work":{"title":"Romulea","url":"https://interlinea.aeterna-institute.org/library/latin/dracontius/romulea","urn":null},"verse":true,"words":130,"text":"Aeolias petet illa domos aditura tyrannum,\nut frenet uentos et caerula marmora tendat:\nmollior aura means tantum bona flamina mittat,\nut ratis incolumis Sardorum litora tangat!\nNec negat haec Eolus Veneri sua iura roganti.\nCypris in ornatu ueniens freta glauca uagatur;\ncum pelagi Nymphis ibunt Tritones alumni\nNereidum spumante choro Phorcique clientes\ngurgitis aequorei pisces, immania cete,\net quaecumque latens surget de fluctibus imis\nbelua terribilis summas gestire per undas;\ninter quas delphine sedens Galatea minaci\nNeptunum perfundet aquis: rorante fluento\nille caput barbamque ciet ridente Dione.\nAt uolucer Veneris uolitans super aequora pinnis\niam spargens sub fraude rosas tamen igne sagittas\nmandat ad aequoreos comites et frigida ponti\naequora flammat atrox, elementa ut uota celebrent.\nHaec dixisse sat est, sed qui modo iure tacemus,\nomnia reddemus quandoque nepotibus almis.","prev":{"citation":"Romulea 7.96-139","label":"Lines 7.96-7.139","url":"https://interlinea.aeterna-institute.org/library/latin/dracontius/romulea/7.96","api":"https://interlinea.aeterna-institute.org/api/v1/library/latin/dracontius/romulea/7.96"},"next":{"citation":"Romulea 8.1-43","label":"Lines 8.1-8.43","url":"https://interlinea.aeterna-institute.org/library/latin/dracontius/romulea/8.1","api":"https://interlinea.aeterna-institute.org/api/v1/library/latin/dracontius/romulea/8.1"},"credit":{"text":"Dracontius, Romulea. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/DRAC%7Cromu%7C001","quality":"proofread"}}