{"kind":"section","lang":"la","language":"Latin","title":"Commentarius Quartus 66","citation":"Gaius, Commentarius Quartus 66","ref":"66","level":null,"urn":null,"url":"https://interlinea.aeterna-institute.org/library/latin/gaius/commentarius-quartus/66","api":"https://interlinea.aeterna-institute.org/api/v1/library/latin/gaius/commentarius-quartus/66","markdown":"https://interlinea.aeterna-institute.org/library/latin/gaius/commentarius-quartus/66.md","author":{"name":"Gaius","url":"https://interlinea.aeterna-institute.org/library/latin/gaius"},"work":{"title":"Commentarius Quartus","url":"https://interlinea.aeterna-institute.org/library/latin/gaius/commentarius-quartus","urn":null},"verse":false,"words":90,"text":"Inter conpensationem autem, quae argentario opponitur, et deductionem, quae obicitur bonorum emptori, illa differentia est, quod in conpensationem hoc solum uocatur, quod eiusdem generis et naturae est; ueluti pecunia cum pecunia conpensatur, triticum cum tritico, uinum cum uino, adeo ut quibusdam placeat non omni modo uinum cum uino aut triticum cum tritico conpensandum, sed ita si eiusdem naturae qualitatisque sit. in deductionem autem uocatur et quod non est eiusdem generis; itaque si pecuniam petat bonorum emptor et inuicem frumentum aut uinum is debeat, deducto quanti id erit, in reliquum experitur.","prev":{"citation":"Commentarius Quartus 65","label":"65","url":"https://interlinea.aeterna-institute.org/library/latin/gaius/commentarius-quartus/65","api":"https://interlinea.aeterna-institute.org/api/v1/library/latin/gaius/commentarius-quartus/65"},"next":{"citation":"Commentarius Quartus 67-70","label":"67 to 70","url":"https://interlinea.aeterna-institute.org/library/latin/gaius/commentarius-quartus/67","api":"https://interlinea.aeterna-institute.org/api/v1/library/latin/gaius/commentarius-quartus/67"},"credit":{"text":"Gaius, Commentarius Quartus. Text: The Latin Library (thelatinlibrary.com). Changes: HTML markup removed and the text divided into reading sections by Interlinea.","license":"The Latin Library terms","licenseUrl":"https://www.thelatinlibrary.com/about.html","source":"https://www.thelatinlibrary.com/gaius4.html","quality":"proofread"}}