{"kind":"section","lang":"la","language":"Latin","title":"Arateorum fragmenta 3","citation":"Germanicus, Arateorum fragmenta 3","ref":"3","level":null,"urn":null,"url":"https://interlinea.aeterna-institute.org/library/latin/germanicus/arateorum-fragmenta/3","api":"https://interlinea.aeterna-institute.org/api/v1/library/latin/germanicus/arateorum-fragmenta/3","markdown":"https://interlinea.aeterna-institute.org/library/latin/germanicus/arateorum-fragmenta/3.md","author":{"name":"Germanicus","url":"https://interlinea.aeterna-institute.org/library/latin/germanicus"},"work":{"title":"Arateorum fragmenta","url":"https://interlinea.aeterna-institute.org/library/latin/germanicus/arateorum-fragmenta","urn":null},"verse":true,"words":171,"text":"Grandine permixtas aries niuibusque caducis\nSpargit uicinas supra iuga tristia nubis.\nTaurus portat aquas et uentos excitat acres.\nFulmina tum crebro iaculatur Iuppiter et tunc\nIntonat emissis uiolentior ignibus aether.\nAt geminis leuiter perstridunt caerula uenti,\nRarus et in terras caelo dimittitur umor.\nOmnia mitescunt tranquillo sidere cancri.\nSiccus erit leo, praecipue cum pectora feruent.\nVirgo refert pluuias et permouet aera uentis.\nLenius est librae signum; uix rorat in illo.\nScorpios assidue caelo minitabitur ignis:\nLentior in pluuias magis inuenit arua quieta\nAtque trucis uenti densa niue saepe rigebunt.\nRara sagittifero descendunt flumina terris;\nAegoceros aliis parcit, sed frigora durat\nInstabilique gelu fallit uestigia passus.\nQui fundit latices caelo quoque permouet imbris.\nOmnia miscentur cum piscibus; aspera uentis\nAequora turbatos uoluunt ad sidera fluctus;\nImbribus incumbit caelum solemque recondit;\nGrandine pulsatur tellus, niue moenia durant.\nHaec ut quisque deus possedit numine signa,\nAdiungunt proprias uires. torpere uidentur\nOmnia Saturno; raros ille exprimit ignis\nEt siccas hiemes astrictis perficit undis.\nGrandine durantur pluuiae, niue grando putrescit\nEt rigor accedit uentis. mitissimus ille","prev":{"citation":"Arateorum fragmenta 2","label":"2","url":"https://interlinea.aeterna-institute.org/library/latin/germanicus/arateorum-fragmenta/2","api":"https://interlinea.aeterna-institute.org/api/v1/library/latin/germanicus/arateorum-fragmenta/2"},"next":{"citation":"Arateorum fragmenta 4.1-45","label":"Lines 4.1-4.45","url":"https://interlinea.aeterna-institute.org/library/latin/germanicus/arateorum-fragmenta/4.1","api":"https://interlinea.aeterna-institute.org/api/v1/library/latin/germanicus/arateorum-fragmenta/4.1"},"credit":{"text":"Germanicus, Arateorum fragmenta. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/GERM%7Cfrag%7C002","quality":"proofread"}}