{"kind":"section","lang":"la","language":"Latin","title":"Oratio 1","citation":"Gildas, Oratio 1","ref":"1","level":null,"urn":null,"url":"https://interlinea.aeterna-institute.org/library/latin/gildas/oratio/1","api":"https://interlinea.aeterna-institute.org/api/v1/library/latin/gildas/oratio/1","markdown":"https://interlinea.aeterna-institute.org/library/latin/gildas/oratio/1.md","author":{"name":"Gildas","url":"https://interlinea.aeterna-institute.org/library/latin/gildas"},"work":{"title":"Oratio","url":"https://interlinea.aeterna-institute.org/library/latin/gildas/oratio","urn":null},"verse":true,"words":105,"text":"Deus, caeli, angelorum creator et hominum,\nTerrae, maris, lunae, solis, astrorum ac fluminum,\nCuncta creans, cuncta regens, nos, precamur, dirige.\nQui dedisti Iacob iusto commoda itinera,\nIter nostrum fac benignum, iucundum ac prosperum.\nSeruos tuos contra anguem defende nequissimum.\nMontes, colles, uada, ualles transeamus fluminum,\nMalignorum non curemus impetum dirissimum,\nDefensorem habeamus Dominum fortissimum.\nNos itaque properantes Christi regat pietas,\nNostra simul cuncta Deus illesa restituat,\nQui Tobiae ducem dedit Raphahelem archangelum.\nItere acto repetito oportuno tempore\nMereamur adipisci Domini custodiam,\nVt gauisi cum salute redeamus patriam.\nItere acto Deo patri referamus gratias,\nGlorioso summi nato sanctoque spiritui\nNobis danti uiae cursum felicem in saecula.","prev":null,"next":null,"credit":{"text":"Gildas, Oratio. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://www.mqdq.it/testo/testo/codice/GILDAS%7Corat%7C001","quality":"proofread"}}