{"kind":"section","lang":"la","language":"Latin","title":"Regimen sanitatis 16","citation":"Grospré Robert, Regimen sanitatis 16","ref":"16","level":null,"urn":null,"url":"https://interlinea.aeterna-institute.org/library/latin/grospre-robert/regimen-sanitatis/16","api":"https://interlinea.aeterna-institute.org/api/v1/library/latin/grospre-robert/regimen-sanitatis/16","markdown":"https://interlinea.aeterna-institute.org/library/latin/grospre-robert/regimen-sanitatis/16.md","author":{"name":"Grospré Robert","url":"https://interlinea.aeterna-institute.org/library/latin/grospre-robert"},"work":{"title":"Regimen sanitatis","url":"https://interlinea.aeterna-institute.org/library/latin/grospre-robert/regimen-sanitatis","urn":null},"verse":false,"words":312,"text":"Aquę vernales ad bibendum non sunt sanę nam tunc à vaporibus resolutis in grossam substantiam, & à ranis alijsque vermibus tunc temporis semen proijcientibus inficiuntur. In vere bonum est mittere sanguinem, & parum est comedendum, quia per totam hyemen praecessit multarum superfluitatum collectio: hoc tempus bonitate suae complectionis, omnem materiem expellit & omnem aegritudinem manifestat. Ver incipit à 18. martij, duratque vsque ad decimum octauum Iulij. CAestas est calida & sicca, cholerę generatiua, cuius initium est cùm sol fuerit in prima parte Cancri. Aestas si suam temperiem exierit, infirmitates inducit calidas ac siccas: Et incipit à 17. die mensis Iulij, & durat vsque ad 18. diem mensis Septembris. In aestate bis aut ter est comedendum, & tunc temporis cibi sint facilis digestionis, quia tunc calor naturalis debilis est & resolutio plurima. C Autumnus est frigidus & siccus, humoris melancholici generatiuus. In suis qualitatibus est veri contrarius, hinc multarum infirmi tatum generatiuus, unde secundum Galenum & Hippocratem, in autumno acutę accidunt infirmitates ac mortiferę: per consequens autumnus pestilentior est caeteris temporibus. In autumno, maximè insistendum est in vsu bonorum ac laudabilium ciborum, quia calor naturalis est debilitatus per ęstatem pręcedentem. Autumnus incipit à 18. die Septembris, & durat vsque ad 18. diem decembris. C Hyems est frigida & humida, phlegmatis generatiua. Hyems si suam temperiem exierit, in humanis corporibus varię generantur infirmitates: nam tunc frigore hyemali clauduntur pori, humoresque ratione frigiditatis aeris, in concauitatibus corporis aggregantur ac putrescunt. Verùm in corporibus robustis, virtutes animales confortantur, excitaturque appetitus, vnde Hippocrates in ampho. Ventres hyeme & vere, natura sunt calidissimi & somni longissimi, quare per ea tempora alimenta copiosiora sunt exhibenda, etenim calor innatus plurimus est, vnde & pluribus aegent alimentis, indicio sunt ętates & athlete. In hyeme natura potest sufferre errores, hinc multus cibus est sumendus. Hyems incipit à 18. decembris, & durat vsque ad decimum octauum martij. (De quatuor complexionibus cap. 20. HVmanum corpus, quatuor constare elementis iam receptum est à cunctis, sanguine inquam, cholera rubea, pituita, & atra bili.","prev":{"citation":"Regimen sanitatis 15","label":"15","url":"https://interlinea.aeterna-institute.org/library/latin/grospre-robert/regimen-sanitatis/15","api":"https://interlinea.aeterna-institute.org/api/v1/library/latin/grospre-robert/regimen-sanitatis/15"},"next":{"citation":"Regimen sanitatis 17","label":"17","url":"https://interlinea.aeterna-institute.org/library/latin/grospre-robert/regimen-sanitatis/17","api":"https://interlinea.aeterna-institute.org/api/v1/library/latin/grospre-robert/regimen-sanitatis/17"},"credit":{"text":"Grospré Robert, Regimen sanitatis. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}