{"kind":"section","lang":"la","language":"Latin","title":"Regimen sanitatis 20","citation":"Grospré Robert, Regimen sanitatis 20","ref":"20","level":null,"urn":null,"url":"https://interlinea.aeterna-institute.org/library/latin/grospre-robert/regimen-sanitatis/20","api":"https://interlinea.aeterna-institute.org/api/v1/library/latin/grospre-robert/regimen-sanitatis/20","markdown":"https://interlinea.aeterna-institute.org/library/latin/grospre-robert/regimen-sanitatis/20.md","author":{"name":"Grospré Robert","url":"https://interlinea.aeterna-institute.org/library/latin/grospre-robert"},"work":{"title":"Regimen sanitatis","url":"https://interlinea.aeterna-institute.org/library/latin/grospre-robert/regimen-sanitatis","urn":null},"verse":false,"words":240,"text":"Cor humidum, facit hominem credulum, qui facili ratione à propositis & deliberatione re mouetur. Cor siccum, hominem facit constantem, & obstinatum. ¶ Epar in medietate est infra diaphragma: in hipocundrio dextro habet quinque penulas, interdum quatuor, interdum duas. In concauo epatis est vena dicta porta, quae est chilus parua, mundans sanguinem à bili, siue cholera, vel felle: sua operatio est sanguificare, sua propria passio est hydrops, patitur tamen omne genus morbi. C Pulmo flabellum & euentilabrum latine dictus, & graece πνέυμων, hic enim est spirandi artifex, & aeris officina, vnde alitur anima sicut cibis corpus. Caro pulmonis leuis est, ne ipsius motum impediat, etiam lenis est, vt ipsius vasa à ruptura tueantur. ( Splen est in hipocundrio sinistro situm, secundum suum paruum concauum haeret ventriculo, secundum gibbum contiguum est co stis, dorsum versus, & versus latera tectum peritoneo: figura sua est quadrata, aliqualiter lunata, epati ligatur per ramum portę, cerebro per neruos, omento & mesenterio per venas, iuuat totum corpus, expurgando massam sanguinariam à fece, & ideo risum prouocat. C Intestina sunt continua à ventriculo ad anum voluta, & reuoluta, vt longo tempore retineant cibum, gratia boni finis. ( De studio praegnantibus exhibendo cap. 22. PRegnantes vbi nuper concoeperint, obseruabimus ne timore, moerore, neue vltra validiori mentis perturbatione afflictentur. Alimentis vtantur moderatis, & stomacho congruis, leui deambulatione, molli fricatione: si aluus detineatur, edulia offerenda erunt ventri subducendo idonea. Primum quod mulierem concoepisse ar guit, est, si ab obstetrice interrogata, respondeat se post concubitum viri semen non emisisse, & in ipso coitus tempore frigus sensisse.","prev":{"citation":"Regimen sanitatis 19","label":"19","url":"https://interlinea.aeterna-institute.org/library/latin/grospre-robert/regimen-sanitatis/19","api":"https://interlinea.aeterna-institute.org/api/v1/library/latin/grospre-robert/regimen-sanitatis/19"},"next":{"citation":"Regimen sanitatis 21","label":"21","url":"https://interlinea.aeterna-institute.org/library/latin/grospre-robert/regimen-sanitatis/21","api":"https://interlinea.aeterna-institute.org/api/v1/library/latin/grospre-robert/regimen-sanitatis/21"},"credit":{"text":"Grospré Robert, Regimen sanitatis. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}