{"kind":"section","lang":"la","language":"Latin","title":"Regimen sanitatis 28","citation":"Grospré Robert, Regimen sanitatis 28","ref":"28","level":null,"urn":null,"url":"https://interlinea.aeterna-institute.org/library/latin/grospre-robert/regimen-sanitatis/28","api":"https://interlinea.aeterna-institute.org/api/v1/library/latin/grospre-robert/regimen-sanitatis/28","markdown":"https://interlinea.aeterna-institute.org/library/latin/grospre-robert/regimen-sanitatis/28.md","author":{"name":"Grospré Robert","url":"https://interlinea.aeterna-institute.org/library/latin/grospre-robert"},"work":{"title":"Regimen sanitatis","url":"https://interlinea.aeterna-institute.org/library/latin/grospre-robert/regimen-sanitatis","urn":null},"verse":false,"words":307,"text":"GROPRETII ATREBATIS, DE PESTE. OEstis est morbus contagiosus, & mortalis dicta à pascendo: nam eius venenum non solum pascit, sed interficit quos arripit. Pestis accidit ex aere corrupto, nam corruptus aer spiritus proximorum humorum inficit, quemadmodum morbida facta paecus, totum corrumpit ouile. Accidit etiam ex foetore putridarum paludum, cadauerumque. Pręterea pestem faciunt tempora pluuiosa non naturalia, ivnde in autumno, saepius pestis, & plura genera morborum accidunt quoniam corpora nostra, quę in pręcedenti ęstate malis fuêre fructibus repleta, caloribusque aestiuis relaxata, adueniente autumno, in quo pluuiae & venti maximè accidunt, subitò frigore corripiuntur. Item à peste facilius inficiuntur corpora humida, sordida, foetida, & humoribus plena, quàm bene temperata: Hinc est quòd pestis ple runque lasciuit in ignobiles, qui habitant in domibus ac cauernis foe tidis, & qui vestimenta sudore sordida ferunt, quique frequenti coitu vtuntur, & otiosa quiete ac artificij inertes torpescunt, & diem in no ctem somno conuertunt. Secundum Auicennam, Pestis sępe accidit post steriles annos, pręcipuè quando post penuriam sequitur fer tilitas, nam corpora tempore indigentiae, fructibus & malis cibis nu triuntur, replenturque malis humoribus: alij panis auiditate diu esurientes adueniente fertilitate nesciunt expleri ad saturitatem, & tunc in illis propter repletionem, pestis generatur. Secundum Astrologos Coniunctiones trium superiorum Planetarum, in corpora nostra vim maximam habent, & solent producere pestem. Et eclipses lunarium, coniunctiones, & oppositiones Saturni, & Mercurij in signis mobilibus, siue humanis, si praedictis sideribus dominentur maleuolę stellę Saturni & Martis. Sidera ergo, secundum Dei volunta tem, praeparant causas intermedias, corrumpuntque aerem, & replent corpora malis humoribus. vv.vv.iiii. ¶ Signa futurę pestis. ¶ Caliditas plurima, cum turbulentia nubium, Multitudo pluuiarum. Su bita aeris alteratio, & frequens. Multiplicatio vermium & serpentum. Fla tus austri assiduus. Multiplicatio variolarum, & morbillorum in pueris. Significant etiam pestem, autumnales comaetę, & stellę cadentes. d3. Cura C Cura. ¶ Certe sanum & optimum est illud consilium, quòd qui vult à pe ste praeseruari, quàm cito ab vrbe discedat, longè proficiscatur, & tardè reuertatur: quandoquidem nihil est tam noxium, quàm pestilens aer.","prev":{"citation":"Regimen sanitatis 27-2","label":"DINILIN","url":"https://interlinea.aeterna-institute.org/library/latin/grospre-robert/regimen-sanitatis/27-2","api":"https://interlinea.aeterna-institute.org/api/v1/library/latin/grospre-robert/regimen-sanitatis/27-2"},"next":{"citation":"Regimen sanitatis 29","label":"DINILIN","url":"https://interlinea.aeterna-institute.org/library/latin/grospre-robert/regimen-sanitatis/29","api":"https://interlinea.aeterna-institute.org/api/v1/library/latin/grospre-robert/regimen-sanitatis/29"},"credit":{"text":"Grospré Robert, Regimen sanitatis. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://zenodo.org/records/15040256","quality":"ocr"}}