{"kind":"section","lang":"la","language":"Latin","title":"Ars conectandi 116","citation":"Jakob Bernoulli, Ars conectandi 116","ref":"116","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/116","api":"https://interlinea.aeterna-institute.org/api/v1/library/latin/jakob-bernoulli/ars-conectandi/116","markdown":"https://interlinea.aeterna-institute.org/library/latin/jakob-bernoulli/ars-conectandi/116.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":224,"text":"Clant duae Progressiones Arithmeticae ascendentes, altera à numero rerum combinandarum, ab unitate altera, quarum communis excessus sit unitas, & utraque tot terminorum, quot unitates habet combinationis exponens: tum factum ex ductu terminorum prioris progressionis dividatur per factum ex ductu terminorum posterioris; eritque quotiens quaesita combinationum secundùm datum exponentem multitudo. Hoc sensu numerus quaternionum in 10 diversis rebus contentorum est Nota: Si combinationis exponens sit major rerum numero (quod utique fieri posse in praesente hypothesi liquet) compendiosius erit, inchoari priorem progressionem ab hoc exponente unitate aucto, & utramque fieri terminorum uno pauciorum, quàm sunt datae res. Ita numerus combinationum secundùm exponentem 10 in rebus 4 fit – Sed & numerum combinationum secundùm plures exponentes ab unitate se aliquousque consequentes, hoc est, summam serierum quotcunque verticalium, nihilo difficiliùs venari licet: Cùm enim ex. gr. 10 primi termini 4 primarum columnarum verticalium iidem sint qui 4 primi termini 10 primarum transversarum atque insuper summae horum terminorum aequentur undecim terminis 4tae columnae verticalis demto solo primo seu unitate (singulae scil. summae singulis terminis, ut ex propr. 2dâ Tabellae liquet) manifestum est, etiam 10 primos terminos 4 primarum columnarum verticalium, h. e. summam omnium unionum, binionum, ternionum & quaternionum sumendorum ex rebus 10, unitate deficere ab undecim primis terminis columnae 4ra, hoc est, à numero quaternionum sumendorum ex rebus 11. hoc est, à numero combinationum sumendarum ex rebus unà pluribus secundùm datorum exponentium maximum.","prev":{"citation":"Ars conectandi 115","label":"CAPUT IV","url":"https://interlinea.aeterna-institute.org/library/latin/jakob-bernoulli/ars-conectandi/115","api":"https://interlinea.aeterna-institute.org/api/v1/library/latin/jakob-bernoulli/ars-conectandi/115"},"next":{"citation":"Ars conectandi 117","label":"CAPUT IV","url":"https://interlinea.aeterna-institute.org/library/latin/jakob-bernoulli/ars-conectandi/117","api":"https://interlinea.aeterna-institute.org/api/v1/library/latin/jakob-bernoulli/ars-conectandi/117"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}