{"kind":"section","lang":"la","language":"Latin","title":"Ars conectandi 129","citation":"Jakob Bernoulli, Ars conectandi 129","ref":"129","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/129","api":"https://interlinea.aeterna-institute.org/api/v1/library/latin/jakob-bernoulli/ars-conectandi/129","markdown":"https://interlinea.aeterna-institute.org/library/latin/jakob-bernoulli/ars-conectandi/129.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":240,"text":"Similiter si cunctis ternionibus identidem praefigi intelligantur singulae literae, elicientur omnes quaterniones possibiles, quorum per consequens numerus ternionum numerum rursus m vicibus superabit, eritque mAtque ita apparet, combinationum numerum secundùm quemcunque exponentem perpetuò mvicibus superandum esse à numero combinationum secundùm exponentem proximè sequentem: scilicet cùm numerus quaternionum sit mt, erit quinionum numerus mi. senionum mo, & generaliter si exponens dicatur n, numerus combinationum secundùm hunc exponentem erit mn. Unde expedita habetur Regula pro inveniendo numero combinationum modis omnibus permutatarum secundùm datum exponentem, cùm qualibet res etiam secum ipsa combinari potest. Atus rerum numerus elevetur ad eam potestatem, cujus index est datus combinationis exponens; & habetur quaesitum. Ex. gr. Omnes novem notarum numeralium quaternarii sumti & dispositi modis omnibus exhibent 9* 00 9. 9. 9. 9 00 6561 variationes; totidem scil. numeros diversos, rejectis iis qui cyphram unam pluresve includunt, inter 1000 & 10000 (limites eorum qui 4 characteribus scribuntur) interjici necesse est. Sic 4 vocales A. E. I. O, quibus quadruplex differentia propositionum secundùm quantitatem & qualitatem in Logicis innuitur, admittunt terniones 43 00 64; unde totidem oriuntur modi syllogismi categorici boni malivé, non 36 tantùm ut voluit Aristoteles cum Interpretibus. Quòd si indefinitae & singulares propositiones ab universalibus & particularibus distinguerentur, unde octuplex earum nasceretur discrimen, numerus modorum omninò ad 512,: cubum nim. octonarii, assurgeret. 4. Invenire numerum combinationum ejusmodi secundùm plures exponentes Quoniam ex iis quae modò dicta sunt apparet, numerum unionum in datis rebus m esse m, binionum mm, ternionum mi, quaternionum mt &c.","prev":{"citation":"Ars conectandi 128","label":"CAPUT VIII","url":"https://interlinea.aeterna-institute.org/library/latin/jakob-bernoulli/ars-conectandi/128","api":"https://interlinea.aeterna-institute.org/api/v1/library/latin/jakob-bernoulli/ars-conectandi/128"},"next":{"citation":"Ars conectandi 130","label":"CAPUT VIII","url":"https://interlinea.aeterna-institute.org/library/latin/jakob-bernoulli/ars-conectandi/130","api":"https://interlinea.aeterna-institute.org/api/v1/library/latin/jakob-bernoulli/ars-conectandi/130"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}