{"kind":"section","lang":"la","language":"Latin","title":"Ars conectandi 22","citation":"Jakob Bernoulli, Ars conectandi 22","ref":"22","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/22","api":"https://interlinea.aeterna-institute.org/api/v1/library/latin/jakob-bernoulli/ars-conectandi/22","markdown":"https://interlinea.aeterna-institute.org/library/latin/jakob-bernoulli/ars-conectandi/22.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":407,"text":"1, deficiunt adhuc à 12, transeo ad 3. 3. 2. 1, quorum primus pro more adauctus exhibet numeros 6. 3. 2. 1, seorsim ponendos, quia complent 12: Deinde solummodò secundam partem augeo, primam verò minuo unitate, & habebo alios quatuor 5. 4. 2. 1 seorsim adnotandos. Jam non pergo attollere secundam partem ad 5 vel carium, quia ad complendum 12 deprimenda esset prima ad 4 vel zarium, & sic praecedentes quidam modi redirent; nam ad hoc cavendum semper opus est, ut nulla partium priorum minor constituatur ullâ sequentium: quocirca statim propero ad 3. 3. 3. 1, ubi mutato primo ternario in quinarium obtineo numeros 5. 3. 3. 1 constituentes summam propositam. Mox verò secundâ parte sublatâ & primâ depressa ad quaternarium, habebo alios quatuor numeros quaesito satisfacientes 4. 4. 3. 1. Porrò quia manifestum est, neutram duarum priorum partium, imò nec ipsam tertiam partem unitate posse augeri, quin vel summa omnium quatuor excedat 12, vel aliqua praecedentium partium minor fiat aliquâ subsequentium, & sic pristini quidam modi redeant; idcircò postremam etiam unitatem, quam hactenùs intactam reliqui, ad binarium promoveo scribendo 2. 2. 2. 2, primoque binario ad garium sublato, 6. 2. 2. 2, qui modus quaesito satisfacit. Hinc secundam partem augeo, primam minuo, tum unitate, tum binario, & habebo duos alios modos requisitos 5. 3. 2. 2, & 4. 4. 2. 2. Ubi quia denuò apparet, neutram priorum partium posse augeri, quin vel altera minuatur, & sic pristini resultent modi; vel summa omnium superet 12; progredior ad 3. 3. 3. 2, sive aucto unitate primo ternario ad 4. 3. 3. 2, qui novum modum suppeditant, quo componi potest numerus propositus. Tandem quoniam ob eandem rationem nullam trium priorum partium ampliùs augere licet, postrema ad ternarium elevanda scribendumque 3. 3. 3. 3, quorum summa & ipsa aequat 12; quo facto non fas est ulteriùs progredi, quandoquidem postremus terminus augeri nequit, quin aliquis priorum diminuatur, & sic redire faciat unum praecedentium modorum. Quapropter constat, nullos dari alios modos, quibus componi possit numerus 12 ex quatuor aliis, quorum singuli senarium non superant; praeter undecim hactenùs enumeratos, quos eo ordine quo sese offerebant, adjuncto laterculo insertos conspicis. Haud absimili autem ratione recenModi Jactûs. sere poterimus omnes modos possibiles, quibus evenire potest quilibet alius punctorum numerus in tot tesseris quot quis voluerit, dummodò advertamus, primae tesserae puncta continuâ adjectione unitatis elevanda esse ad senarium, priusquàm puncta secundae augeantur solâ unitate, & puncta pariter secundae attollenda ad senarium, priusquàm puncta tertiae augeantur unitate, & puncta tertiae, priusquam puncta 41a, & 41ae priusquàm gtae, & ita deinceps.","prev":{"citation":"Ars conectandi 21","label":"PARS","url":"https://interlinea.aeterna-institute.org/library/latin/jakob-bernoulli/ars-conectandi/21","api":"https://interlinea.aeterna-institute.org/api/v1/library/latin/jakob-bernoulli/ars-conectandi/21"},"next":{"citation":"Ars conectandi 23","label":"PARS","url":"https://interlinea.aeterna-institute.org/library/latin/jakob-bernoulli/ars-conectandi/23","api":"https://interlinea.aeterna-institute.org/api/v1/library/latin/jakob-bernoulli/ars-conectandi/23"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}