{"kind":"section","lang":"la","language":"Latin","title":"Ars conectandi 23","citation":"Jakob Bernoulli, Ars conectandi 23","ref":"23","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/23","api":"https://interlinea.aeterna-institute.org/api/v1/library/latin/jakob-bernoulli/ars-conectandi/23","markdown":"https://interlinea.aeterna-institute.org/library/latin/jakob-bernoulli/ars-conectandi/23.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":269,"text":"Hoc peracto, aliud superest negotium in eo consistens, ut exploretur numerus jactuum Summa singulorum modorum; nam singulis horum Jactuum modorum plures iterum respondere possunt jactûs, prout hic vel ille numerus in hâc illâve tesserâ conspici potest. Ita si quatuor tesserae vocentur A, B, C, & D, patet ad primum modum efficiendum 6. 4. 1. 1, posse vel in A6, & in B vel C vel D4; vel in B6, & in A vel C vel D4, &c. puncta reperiri: unde tot resultabunt jactûs, quoties isti 4 numeri diverso ordine locari possunt; quod de reliquis modis pariter intelligendum. Possunt verò numeri 6. 4. 1. 1, quorum duo sunt diversi, duo iidem, locum inter se permutare duodecies: sequentes 5. 5. 1. 1, quorum duo priores, ut & posteriores duo sunt iidem, non nisi sexies: sequentes verò 6. 3. 2. 1, qui omnes inter se differunt, vicies quater; uti constabit ex Doctrinâ de Permutationibus & Combinationibus, quam parte secundâ pertractandam suscepiHi jactûs unà cum jactibus reliquorum modorum in unam summam collecti efficiunt 125, numerum indigitantem omnes quotquot dari possunt jactûs 12 punctorum in 4 tesseris. Quod ipsum indagandum erat. Verùm enimverò quoniam haec methodus supputandi numerum jactuum in pluribus tesseris, supra modum taediosa & prolixa est, ostendam porrò, quâ arte idem consequi possimus non tantùm pro certo punctorum numero, sed pro omnibus omninò punctis, beneficio appositae Tabulae, quae & expeditè admodùm construi potest, & naturam progressionemque, quam numeri jactuum inter se servant, apertiùs ob oculos ponit. Constructio talis est: Scribantur ordine numeri omnium punctorum quotquot tesserae recipere possunt à minimo ad maximum, putà, 4. 5. 6. 7 &c. usque ad 24 pro tesseris quatuor; aut 5. 6. 7. 8 &c.","prev":{"citation":"Ars conectandi 22","label":"PARS","url":"https://interlinea.aeterna-institute.org/library/latin/jakob-bernoulli/ars-conectandi/22","api":"https://interlinea.aeterna-institute.org/api/v1/library/latin/jakob-bernoulli/ars-conectandi/22"},"next":{"citation":"Ars conectandi 24","label":"PARS","url":"https://interlinea.aeterna-institute.org/library/latin/jakob-bernoulli/ars-conectandi/24","api":"https://interlinea.aeterna-institute.org/api/v1/library/latin/jakob-bernoulli/ars-conectandi/24"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}