{"kind":"section","lang":"la","language":"Latin","title":"Ars conectandi 29","citation":"Jakob Bernoulli, Ars conectandi 29","ref":"29","level":null,"urn":null,"url":"https://interlinea.aeterna-institute.org/library/latin/jakob-bernoulli/ars-conectandi/29","api":"https://interlinea.aeterna-institute.org/api/v1/library/latin/jakob-bernoulli/ars-conectandi/29","markdown":"https://interlinea.aeterna-institute.org/library/latin/jakob-bernoulli/ars-conectandi/29.md","author":{"name":"Jakob Bernoulli","url":"https://interlinea.aeterna-institute.org/library/latin/jakob-bernoulli"},"work":{"title":"Ars conectandi","url":"https://interlinea.aeterna-institute.org/library/latin/jakob-bernoulli/ars-conectandi","urn":null},"verse":false,"words":262,"text":"Juvat hîc observare, quod Auctor supponit, expectationem quamcunque fractione expressam considerari etiam posse tanquam resultantem ex tot casibus ad obtinendum depositum a, quot indigitat numerator fractionis, & tot casibus ad nihilum, quot significat differentia inter illum & denominatorem; tametsi fortâssis aliter ad expectationem illam perventum fuerit: Sic quanquam ille, qui duabus vicibus duos senarios jacere suscipit, ad expectationem suam r5ρa perveniat per 1 casum ad a, & 35 casûs ad a; nihilominus censeri etiam poterit eam sibi acquirere per 71 casûs ad a, & 1225 casûs ad o. Quoniam habens 71 casûs ad a, & 1225 ad o, habet hanc expectationema; & qui plures casûs ad a haberet ac pauciores ad nihilum, aut vice versâ, ejus quoque expectatio contra hypoth. major minorvé foret, quàm 11/37a, per Coroll. 1. Proposit. III. Atque ita quidem reperio ei, qui illud 24 vicibus susci K pit &c.) In praeced. Propos. adstruxit Auctor, posse quatuor jactibus cum lucro suscipi, ut unâ tesserâ senarius jaciatur; nunc asserit, nondum illud 24 jactibus posse, ut duabus tesseris duo jaciantur senarii; quae multis planè videbuntur ἀσύστατ, cùm 24 jactûs ad omnes 36 jactûs duarum tesserarum eandem praecisè rationem servent, quam 4 jactûs ad omnes sex jactûs unius tesserae. Eâdem olim difficultate constrictus haesit, referente Pascalio in literis ad Fermatium, quae hujus operibus Tolosae AP. 1679. impressis pagin. 181. insertae leguntur, Anonymus quidam caeterà subacti judicii Vir, sed Geometriae expers. Hâc enim qui imbuti sunt, ejusmodi ἐναντοφανείας minimè morantur, probè conscii dari innumera, quae admoto calculo aliter se habere comperiuntur, quàm initio apparebant; ideoque sedulò cavent, juxtà id quod semel iterumque monui, ne quicquam analogiis temerè tribuant.","prev":{"citation":"Ars conectandi 28","label":"PROPOSITIO XI","url":"https://interlinea.aeterna-institute.org/library/latin/jakob-bernoulli/ars-conectandi/28","api":"https://interlinea.aeterna-institute.org/api/v1/library/latin/jakob-bernoulli/ars-conectandi/28"},"next":{"citation":"Ars conectandi 30","label":"PROPOSITIO XI","url":"https://interlinea.aeterna-institute.org/library/latin/jakob-bernoulli/ars-conectandi/30","api":"https://interlinea.aeterna-institute.org/api/v1/library/latin/jakob-bernoulli/ars-conectandi/30"},"credit":{"text":"Jakob Bernoulli, Ars conectandi. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://wiki.uibk.ac.at/noscemus/Ars_coniectandi","quality":"ocr"}}